Tiô Vi ƀan kuăn pơlê dêi kong pơlê Khánh Hòa, tơdroăng kal séa ngăn tơkŭm a mâu khu tơdroăng pơkâ nhên khât mê: kơxô̆  mơngế; kơphô̆ pơ’lêh; ki rơkê mơnhông cheăng kâ - pơlê pơla; mơjiâng tơmeăm khoăng kơphô̆ ƀă tơmeăm ăm pơlê pơla; ivá rak ngăn, pơkuâ kơphô̆; kring vế hyôh kong prâi, hmâ ƀă hyôh kong prâi hơ’lêh ƀă tơniăn cheăng lêng - kring tơniăn tơnêi têa.

Ing mê, mâu tíu pêi cheăng, kơvâ cheăng, kong pơlê thế ‘nâi nhên mâu tơdroăng pơkâ hiăng pêi châ tơƀrê, ki hâi pêi tơƀrê, xiâm ing lâi ƀă troăng tơkâ luâ tiô tơdroăng chêh tối nhên. Tơdrêng ƀă pêi klêi mâu pơkâ mâu kơphô̆, kong pơlê Khánh Hòa mơnhên pơla hơnăm 2026-2030 cho rôh ki tâk mơnhông cheăng kâ, mơ-eăm pêi tâk péa kơxô̆, rơtế ƀă pơ’lêh kơxô̆ túa mơnhông cheăng tiô troăng trâu tâ.

Vâ ai tiô pơkâ troh hơnăm 2027 Khánh Hòa chiâng pơlê kong kân râ xiâm tơnêi têa, kong pơlê hiăng tơmâng tơ’mot ‘no liăn ai rah tung tơdroăng cheăng ƀă kơmăi kơmok ki dâi lĕm, pêi cheăng ƀă  kơmăi krúa lĕm, logistics, cheăng kâ têa kơxĭ, kơphô̆ rơkê plĕng ƀă ôm hyô ki lĕm.