Tiô pơkâ pêi, kong pơlê kô pơxiâm po tơnêi Tơdroăng tơkêa bro Hngêi pơkeăng kân Đa Khoa lâp plâi tơnêi Nha Trang, pơxiâm pro Hngêi ối pơlê pơla HACOM Ocean City 1, phiu ro hiăng kêi đeăng troăng kân tơdjâk troăng kân ăm phêp rơxế kơtâu têi Bắc – Nam ƀă Troăng kân Tơnêi têa 1, Kơno tuk tơkŭm Cà Ná ƀă long kơdoăng têa Sông Than. Kố cho mâu tơdroăng tơkêa bro ki kal, kơnâ troăng pêi cheăng ton xŏn ƀă mơjiâng hngêi trăng troăng klông, mơhnhôk mơ’no liăn cheăng, po rơdâ tơdroăng mơdró logistics ƀă tăng têa tôh tơmeăm a rơnó khăng khoăng.

Viƀan kong pơlê pơcháu Khu mơjiâng pro tơmeăm pơkuâ, tơrŭm mâu kơvâ cheăng, kong pơlê ƀă khu mơ’no liăn cheăng kêi đeăng tâi tâng mơ-éa, tơniăn tơdroăng kal tơkŭm po kân krip, châ tơƀrê. Mâu tơmeăm kố ôh tá xê to djâ ki kơnâ koh phiu ro tơdroăng kal kí ki kal, mê ối mơjiâng tơdroăng ki xiâm vâ mơjiâng Khánh Hòa mơnhông rĕng ƀă krá tơniăn tung hneăng la ngiâ.