VOV4.Xơ Đăng - Tung ‘’khế droh rơtăm’’, Đoân droh rơtăm Kŏng ti on tơhrik Dak Lak tơkŭm po hên tơdroăng ki kơnía. Ki nhên, Đoân droh rơtăm hiăng diâp kơxuô tơmeăm ăm 6 ngế hok tro kơtiê tơkâ hluâ pá puât a cheăm Bình Hòa, tơring Krông Ana, rêm kơxuô tơmeăm kơnâ 2 rơtuh liăn; pêi pro mơjiâng pro ‘’troăng kơxái on tơhrik bâ eăng troăng pơlê xiâm’’ a thôn Giang Xuân, cheăm Ea Dah, tơring Krông Năng, xŏn 1km troăng kơxái on tơhrik ƀă 19 pul on bâ eăng troăng kân pơlê pơla, tâi tâng kơnâ lối 30 rơtuh liăn.

Đoân droh rơtăm Ko\ng ti xiâm on tơhrrik Dak Lak diâp kơxuô tơmeăm ăm mâu hok tro kơtiê tơkâ hluâ pá puât

Xuân tung khế droh rơtăm, kŏng ti hiăng mơjiâng pro ‘’Troăng kơxái on tơhrik bâ eăng troăng kân pơlê’’ kơnâ 50 rơtuh liăn, mơjiâng pro lối 1km troăng kơxái ƀă 22 pul on bâ eăng mâu troăng a ƀuôn Sút Mdrang, cheăm Čư Suê, tơring Čư Mgar. Rơtế ƀă mâu tơdroăng tŏng kum pơlê pơla, droh rơtăm ngăn ‘na on tơhrik Dak Lak pơtối pêi pro tơdroăng séa ngăn kih thuât troăng kơxái on tơhrik trung, hă ăp, kơmăi klâ xoăng on tơhrik a kơpong tơkăng kong tơring Ea Súp.

A Sa Ly tơplôu ƀă tơbleăng