VOV4.Xơ Đăng - Khế droh rơtăm hơnăm 2022 dó inâi ‘’Khu rơxông nếo ki hloh rơkê’’. Rơtế [ă tâi tâng lâp tơnêi têa, khu rơxông nếo mâu kong pơlê a kơpong Tây Nguyên dế ai pơkâ pêi pro hên mâu tơdroăng cheăng ki ai pơxúa păng ‘nâng, lăm troh a pơlê cheăm vâ to\ng kum kuăn pơlê.

‘’Khế droh rơtăm’’ hơnăm kố Khu pơkuâ ngăn Đoân droh rơtăm kong pơlê Dak Lak hiăng tơku\m ăm mâu droh rơtăm lăm kum cheăng a cheăm Drai Bhăng, tơring }ư\ Kuin. A chôu phut leh mơhnhôk mê, Khu pơkuâ ngăn Đoân droh rơtăm kong pơlê Dak Lak hiăng pêi klêi hnối pơcháu tơdroăng tâp trăng, hnhâng troăng kơxái on tơhrik drô troăng pơlê a cheăm Ea Tiêu [ă tơdroăng ‘’Khu ngế djâ troăng 3 tơdroăng le\m’’ a hngêi trung râ má pái phôh thong Y Jut. Ăm mung kơxo# liăn 150 rơtuh liăn vâ tăng tơdroăng cheăng pêi ăm khu droh rơtăm tơring }ư\ Kuin. Diâp 1 toăng hngêi hơ-ui kum [ă 40 kơxuô kế tơmeăm (rêm hnoăng kum mê ai 300 rơpâu liăn), 20 toăng rơxế mái ăm mâu rơpo\ng ki xahpá [ă hok tro ki kơdo mơ-eăm tơkâ luâ xahpá hriâm rơkê. Khu pơkuâ ngăn Đoân droh rơtăm tơring }ư\ Kuin xuân hiăng pơcháu môi toăng hngêi hơ-ui kum ăm rơpo\ng kơtiê, 1 plông tíu xah hêi ăm vâi o hdrêng [ă mơjiâng pro môi to plông peăng [a long.

Pơcháu theh đoân viên [ă huy hie#u đoân ăm đoan viên nếo a Kon Tum

Nâ H’Giang Niê, Kăn pơkuâ ngăn Đoân droh rơtăm kong pơlê Dak Lak ăm ‘nâi, [ă tơdroăng cheăng ki tơ’noăng kơhnâ mơ-eăm, koh tơbâ mâu tơdroăng cheăng kal kí tơnêi têa tung hơnăm, tung pơla ai pơreăng xông tâ tú ó, khu rơxông nếo Dak Lak hiăng mơ’no mâu troăng hơlâ ki nhên vâ pêi pro, to\ng kum mâu tơdroăng cheăng a pơlê cheăm, rơkê hlê pơkâ pêi pro mâu tơdroăng cheăng vâ pêi pro klêi hnoăng cheăng hiăng pơcháu [ă rak vế tơniăn tung pơla ai pơreăng xông tâ tú.

Khu pơkuâ Đoân droh rơtăm Dak Lak pơkâ pêi pro mâu tơmeăm dêi droh rơtăm

‘’Ki xiâm dêi khế droh rơtăm hơnăm kố, mê cho ‘’Khu rơxông nếo hloh rơkê’’, cho ki xiâm rơkê ple\ng chiâng pêi pro hên túa, hên troăng hơlâ, tung mê, ai tá tơdroăng ki hloh rơkê tung tơku\m po mâu tơdroăng cheăng, maluâ cho hloh hlê tung tơdroăng ki tơ’lêi hlâu vâ khoh châ mơdât tâ tú dêi pơreăng [ă tơku\m po [lêi chiâng hneăng hôp kân hneăng hơnăm 2022-2027. {ă mâu khu râ đoân mê pơkal athế tơru\m tơrôa krá khât, môi hiâm môi mơno mơhnhôk thế mâu khu râ, kơvâ cheăng veăng đoân, kum mâu đoân viên droh rơtăm tung lâp kong pơlê [ă kho\m mơ-eăm pêi pro hên luâ tâ kơ mê nếo tung pêi pro [lêi chiâng 11 tơdroăng dêi khế droh rơtăm [ă mâu tơdroăng pơkâ pêi dêi hơnăm 2022’’.

Tung ‘’Khế droh rơtăm’’, khu rơxông nếo Dak Lak kho\m mơ-eăm pêi pro klêi 5km troăng on bâ eăng drô troăng pơlê cheăm; khăm pơlât tramo châi, xing xoăng  pơkeăng ôh tá xo liăn ăm 2 rơpâu ngế vâi krâ-nho\ng o; pơkâ pêi pro ki iâ hlái ai 10 tíu ki tơku\m hôp, tơpui tơno, túa xah ôm hêi ăm vâi hdrêng ki ối a cheăm xahpá; mơjiâng pro 5 toăng hngêi hơ-ui pâ, hngêi to\ng kum, hngêi ăm vâi o hok tro. Pơtối rơtế prôk [ă vâi droh rơtăm tí tăng pơxiâm mơjiâng tơdroăng cheăng pêi, mơhnhôk mơjiâng pro sap ing 1 troh 2 khu pêi cheăng tơru\m, khu pêi cheăng tơku\m droh rơtăm, veăng kum mâu tơdroăng tơkêa bro pơxiâm mơjiâng tơdroăng cheăng droh rơtăm tung kong pơlê.

A Plây Kần, tơring tíu tơkăng kong Ngọc Hồi, Khu pơkuâ ngăn Đoân droh rơtăm kong pơlê Kon Tum xuân hiăng tơku\m po Leh pơxiâm mơjiâng Khế droh rơtăm [ă tơdroăng ‘’Khế 3 Tíu tơkăng kong – Tơkăng kong dêi tơnêi têa á’’. A leh pơxiâm mơjiâng pro mê, Khu pơkuâ ngăn Đôan droh rơtăm kong pơlê Kon Tum hiăng hbru vâ chê 20 kơtong ki vâ xúa ăm rơpo\ng mâu kăn [o#, mâu lêng dế gak ngăn tíu tơkăng kong [ă khu vâi droh rơtăm ki ai tơdroăng rêh ối kơtiê xahpá; diâp theh đoân viên [ă Huy hie#u Đoân ăm 50 ngế đoân viên ki nếo; rah xo 20 ngế đoân viên ki kơhnâ rơkê vâ ăm khu râ Đảng séa mơnhên ngăn, to\ng veăng, hnê djâ ăm mot đảng…

Drêng kố, Khu ngăn ‘na Đoân droh rơtăm [ă Khu vâi kơdrâi Ko\ng an hiăng diâp 10 túa cheăng kâ ki mơnhông ai 1 rơpâu to í ki ai kơtâ hên ăm 10 rơpo\ng ki ai hnoăng tơnêi têa, rơpo\ng ki malối kơtiê xahpá, mâu yao phu ki hnê ngăn tơdroăng khôp. Hbru 3 toăng kơmăi vi t^nh, 200 kơxuô kế tơmeăm, tung mê ai hlá mơ-éa, loăng chêh [ă mơjiâng ‘’Tíu mơ’no têa krúa ăm hok tro’’ a hngêi trung râ má môi cheăm Pờ Y, tơring Ngọc Hồi, kong pơlê Kon Tum. Diâp 6 toăng kơmăi vi t^nh, 200 kơxu tơmeăm, ai hlá mơ-éa chêh, loăng chêh ăm 2 toăng hngêi trung a pơlê Phu Cưa [ă diâp 16 toăng kơmăi vi t^nh ăm 8 tíu cheăng ko\ng an ối tung kong pơlê Attapeau, kong têa Lếo.

A Gia Lai, ‘’Khế droh rơtăm’’ hơnăm kố châ Khu pơkuâ ngăn Đoân droh rơtăm kong pơlê tơku\m po mâu tơdroăng cheăng a cheăm Ia Trôk, tơring Ia Pa. A chôu phut leh mơhnhôk mê, Khu pơkuâ ngăn Đoân droh rơtăm kong pơlê Gia Lai hiăng diâp 135 kơxuô tơmeăm ăm mâu vâi o hok tro; Kum 1 tíu ‘’Pơchuât hlá mơ-éa, tơpui tơno, hôp hnoăng cheăng Đo#i’’, tâi tâng kơnâ châ 50 rơtuh liăn; hbru ăm hlá mơ-éa ki mơhno 2 toăng hngêi ‘’ăm vâi o hok tro’’ cho 2 ngế vâi o ki ai tơdroăng rêh ối xahpá. Pak^ng mê, khu kố ối ối tơku\m pêi pro hên mâu tơdroăng cheăng kum pơlê pơla, môi tiah: Pleăng lối 400 CC mơheăm hơ-ui kum mơngế châi tamo, veăng pêi mâu tơdroăng cheăng chêng ko\ng, ‘mâi rơnêu troăng prôk a pơlê cheăm, mơjiâng pro hngêi hơ-ui pâ. Ngoh Đỗ Duy Nam, Kăn pho\ pơkuâ ngăn Đoân droh rơtăm kong pơlê Gia Lai tối ăm ‘nâi, mâu tơdroăng cheăng khế droh rơtăm hơnăm 2022 hiăng pơkâ pêi pro trâu rơdâ ing mâu pơlê cheăm, mơhno tối troăng hơlâ ki kho\m mơ-eăm dêi khu rơxông nếo, kring vế tơniăn mâu tơdroăng cheăng châ tơ-[rê khât.

‘’Khu hnê mơhno cheăng dêi Đoân droh rơtăm xuân hiăng ai pơkâ pêi pro hên mâu tơdroăng cheăng, mâu hnoăng veăng hiăng pơtroh, tơdjâ thế mâu pơlê cheăm pêi pro ngăn tiô kơ tơdroăng ki mơjiâng pro, la athế rak tơniăn ‘na pơ’leăng mâ mơngế; athế hbrâ rơnáu hdrối tung tơdroăng ăm thế mâu kăn [o #đoân viên ki veăng pêi. Pro ti lâi vâ mâu kế tơmeăm ki mơjiâng mê châ tơniăn, tro tiô hâi khế, dâi krá le\m, maluâ mâu kế tơmeăm ki vâ koh hâk mơnê khế droh rơtăm [ă ki malối koh hâk mơnê Hneăng hôp kân Đoân droh rơtăm rêm râ’’.

{ă hnoăng cheăng dó inâi ‘’Khu rơxộng nếo hloh rơkê’’, ’’Khế droh rơtăm’’ hơnăm kố hiăng châ Tíu xiâm Đoân droh rơtăm Ko\ng san Hồ Chí Minh tơku\m pêi pro mơhnhôk a pơlê kong xiâm Hà Nội. Akố, dế po hên mâu tơdroăng cheăng ki hloh rơkê khât ‘’Tuăn ngôa ki rơkê dêi khu droh rơtăm’’, mơjiâng pro mâu kế tơmeăm, môi tiah hngêi ăm khu vâi o hok tro [ă hbru tơmeăm ăm hok tro ki ai tơdroăng rêh ối xahpá; mơjiâng 16 Kâu lăk [o# pêi hnoăng cheăng hơ’lêh nếo [ă hên mâu tơdroăng cheăng ki ê. Xuân tung khế Droh rơtăm hơnăm kố, Khu xiâm pơkuâ ngăn ‘na Đoân droh rơtăm Ko\ng san Hồ Chí Minh tơnêi têa kô tơku\m tơpui tơno pơla Kăn xiâm pơkuâ hnê ngăn Đoân droh rơtăm [ă mâu đoân viên, droh rơtăm; tơdroăng ‘’Khế 3 tíu tơkăng kong’’, diâp pri ăm 10 ngế droh rơtăm Việt Nam ki rơkê ple\ng hơnăm 2021 [ă tơdroăng Koh tơbâ 91 hơnăm hâi mơjiâng Đoân droh rơtăm Hồ Chí Minh, diâp Pri Lý Tự Trọng hơnăm 2022.

VOV Tây Nguyên

Nhat Lisa tơplôu [ă tơbleăng