VOV4.Xơ Đăng - Kơmăng lơ 21/3, a Hà Nội, Tíu xiâm Đoân droh rơtăm Kŏng sản Hồ Chí Minh, Tíu xiâm ngăn khu droh rơtăm Việt Nam, tíu xiâm ƀok thái pơkeăng hơnăm ối nếo Việt Nam tơrŭm ƀă Khu xiâm ngăn pơkeăng kô tơkŭm po khe\n kơdeăn 10 ngế thái pơkeăng hơnăm ối nếo Việt Nam ƀă pơxá ‘’Thái pơkeăng hơnăm ối nếo hbrâ mơdât pơreăng COVID-19’’. Mâu thái pơkeăng châ ô eăng hơnăm kố ai 10 ngế thái pơkeăng hơnăm ối nếo ôh tá luâ 40 hơnăm, kơhnâ pêi cheăng, pêi tâi hiâm mơno xua mơngế châi tamo, rơkê, ai hiâm mơno le\m ƀă ai hnoăng tung hbrâ mơdât pơreăng, rak ngăn mơngế châi tamo.

Malối tung tơdroăng pleăng hnoăng tơná xua ivá kuăn pơlê, môi tiah: pêi cheăng tŏng kum mâu ngế pá puât, khăm pơlât ăm mâu ngế kơtiê. Malối tung hbrâ tơdroăng pleăng hnoăng cheăng xua kuăn pơlê kơtiê. Kố cho mâu ƀok thái pơkeăng hơnăm ối nếo khên pleăng tơná, khên tơmiât, khên pêi, ôh tá xâu pá puât, pleăng tơná tung pêi cheăng kum mâu hngêi pơkeăng kơpong hơngế hơngo, kơpong kơtiê xơpá lơ tung mâu kơvâ cheăng ki tơdjâk troh hbrâ mơdât pơreăng COVID-19 pơla hơnăm 2020-2021.

Gương tơplôu ƀă tơbleăng