VOV4.Xơ Đăng - Kơxo lơ  24/3, Quân ủy trung ương,  Khu xiâm pơkuâ ngăn lêng tơkŭm po tơdroăng Khe\n kơdeăn mâu ngế hơnăm ối nếo kơhnâ rơkê, mâu ngế hơnăm ối nếo tơngah tung tâi tâng mâu lêng hơnăm 2021. 10 ngế hơnăm ối nếo kơhnâ rơkê, 36 ngế hơnăm ối nếo tơngah tung tâi tâng mâu lêng châ rah xo hơnăm kố cho mâu ngế ki kơhnâ rơkê má 1, teăng mâ ăm hrĭng rơpâu ngế đoân viên, droh rơtăm tung tâi tâng mâu lêng tung mâu tơdroăng cheăng: hnê hriâm, hbrâ vâ tơplâ ƀă tơplâ, hriâm tâp, tí tăng hlê plĕng ‘na khoa hok, kum kuăn pơlê kơdroh kơklêa xăm kơtiê; hbrâ ví xía vâ kong prâi pro ôh tá tơniăn, pơreăng tâ tú, tŏng xo mâu ngế hliăng tiâ ki dế trâm pá puât, ‘na hơdruê xuâng, pơtâp ivá ƀă pêi hnoăng cheăng lâp plâi tơnêi.

A tơdroăng khĕn kơdeăn, teăng mâ Khu xiâm Đảng ngăn ‘na lêng, Kăn xiâm pơkuâ  ngăn lêng, Ngế xiâm pơkuâ lêng pôa Phan Văn Giang tối, khĕn kơdeăn hnoăng hiăng châ chiâng pêi pro dêi hơnăm ối nếo tâi tâng mâu lêng mâu ngế hơnăm ối nếo kơhnâ rơkê, mâu ngế hơnăm ối nếo ki tơngah tung hơnăm 2021. Tối tung mâu hnoăng tơchoâm dêi tâi tâng mâu lêng, ai hnoăng veăng ‘no kân kĭn dêi mâu lêng hơnăm ối nếo.

Gương tơplôu ƀă tơbleăng