Mơgêi hôp, pôa Tô Lâm, Kăn xiâm pơkuâ hnê ngăn Đảng khĕn kơdeăn khât khu tơkŭm cheăng xiâm tơnêi, mâu kơ koan, tíu pêi cheăng tơdjâk troh hiăng mơ-eăm  tơkâ luâ vâ pêi klêi mâu tơdroăng cheăng ki kân, tơƀrê ƀă túa pêi ki nếo, kơtăng, tro tiô troăng hơlâ ƀă pơtối tơbleăng Pơkâ 18. Ki tơƀrê dêi mâu kơ koan, khu kăn pơkuâ hnê ngăn Đảng xiâm tơnêi têa.

Chin phuh, Kuô̆k hô̆i ƀă mâu khu tơrŭm cheăng kal kí - pơlê pơla a Tíu xiâm hiăng djâ troăng ki lĕm ahdrối, rrĕng tơbleăng séa ngăn, pê klêi hnoăng cheăng, xing xoăng xiâm tung tá, pê klêi mâu tơdroăng cheăng luâ pơkâ.

Pôa Tô Lâm, Kăn xiâm pơkuâ hnê ngăn Đảng tối tung la ngiâ pơtối mơnhên xing xoăng, rah iâ mơngế pêi cheăng tung khu cheăng ăm tơnêi têa ôh tá xê to pro môi hdroh,  tơdroăng hiăng pêi châ tơƀrê hdrối kố nah la nếo bú rôh apoăng, kal tí tăng ‘nâi plĕng, pê klêi vâ khu kăn cheăng ăm tơnêi têa tơniăn, pêi cheăng tơƀrê, mơdêk ivá pêi cheăng.