VOV4.Xơ Đăng - Tung péa hâi, lơ 20 ƀă 21/9, khu kăn Kuô̆k hô̆i kong pơlê Dak Nông hiăng pêi pro mâu rôh trâm mâ a mâu cheăm Nâm N’Jang (tơring Dăk Song), cheăm Quảng Tâm (tơring Tuy Đức), cheăm Quảng Phú (tơring Krông Nô) ƀă Quảng Sơn (tơring Đăk Glong) rôh hôp má 4, Kuô̆k hô̆i hneăng 15.

A rôh trâm mâ, mâu kăn Kuô̆k hô̆i Dak Nông hiăng tối ‘na tơdroăng dêi rôh hôp Kuô̆k hô̆i má 15 tiô tối hdrối kô tơkŭm po tung khế 10 la ngiâ, kô séa ngăn hên tơdroăng, tơkêa luât tung mê ai luât tơdjâk troh tơdroăng rêh ối dêi kuăn pơlê.

Khu kăn Kuô̆k hô̆i Dak Nông trâm mâ kuăn pơlê rôh hôp má 4, Kuô̆k hô̆i hneăng XV

Mê cho mâu tơdroăng tơkêa Luât tro luât kuăn pơlê a cheăm bêng, luât tơnêi tơníu ki ‘mâi hơ'lêh, Luât kring vế mơngế rôe xúa tơmeăm, Luât pêi cheăng tơrŭm. Kuăn pơlê Dak Nông hiăng pâ thế hên tơdroăng ki hlo nôkố a cheăm tơring, hên to mâu tơdroăng tơvâ tơvân, mâu tơdroăng ‘na tơnêi tíu, rak ngăn kong, hrá tơleăng mơnhên hlá mơ-éa pro a cheăm tơring. Malối tung kơvâ ‘na chiâk cheăng, kuăn pơlê pâ thế tơmâng tơdroăng pơkâ troăng kum kuăn pơlê hluăn ing tơdroăng “châ hên tơmeăm pêi lo la tê ôh tá ai yă’’, “ko - pêt, pêt - ko’’.

Gương tơplôu ƀă tơbleăng