Khu kăn Kuô̆k hô̆i Hàn Quốc lăm pôu Đà Nẵng, mơdêk tơrŭm cheăn tung la ngiâ APEC 2025
Thứ tư, 14:00, 09/07/2025
Tơplôu: Gương/VOV
Tơplôu: Gương/VOV
VOV.Xơ Đăng - Hâi lơ 8/7, pôa Nguyễn Văn Quảng, Kăn hnê ngăn Đảng Pơlê kong kân Đà Nẵng ai rôh tơdah hlối pêi cheăng ƀă Khu kăn Kuô̆k hô̆i Hàn Quốc troh lăm pôu pêi cheăng a pơlê kong kân Đà Nẵng, xua pôa Kim Gi‑hyeon, ngế cheăng tung Kuô̆k hô̆i Hàn Quốc, Kăn hnê ngăn Vi ƀan Ki kal kơjo kum tơkŭm po Hôp APEC 2025.
A rôh tơdah, pôa Nguyễn Văn Quảng, Kăn hnê ngăn Đảng Pơlê kong kân Đà Nẵng ăm ‘nâi, apoăng khế 8/2025 kô po Leh mơdĭng túa lĕm tro Việt-Hàn a pơlê kong ân Đà Nẵng, hlối tối mâu tơdroăng pêi châ tơbrê ing tơdroăng mơđah Phim châu Á po a pơlê kong kân Đà Nẵng.
Pôa Nguyễn Văn Quảng tối, púi vâ pơtối xo tơdroăng tơrŭm krá ing mâu kơ koan Chin phuh ƀă Kuô̆k hô̆i Hàn Quốc vâ mơdêk tơrŭm cheăng pơla Việt Nam ƀă Hàn Quốc tối tơdjuôm, pơla pơlê kong kân Đà Nẵng (ki nếo) ƀă mâu kong pơlê dêi Hàn Quốc tối krê.
Viết bình luận