VOV4. Xơ Đăng - Kơxo lơ 2/3, a Hngêi Kuô̆k hô̆i, Khu kăn séa ngăn dêi Kuô̆k hô̆i ‘na “Tơdroăng pêi pro troăng hơlâ, luât ‘na hnoăng cheăng túa pơkâ sap ing Luât Pơkâ châ xêt khât pơkâ pêi pro” xua pôa Nguyễn Đức Hải, kăn xiâm phŏ hnê ngăn Kuô̆k hô̆i pro lăn pơkuâ khu kăn kố ai rôh pêi cheăng ƀă Khu xiâm ngăn cheăng kơmăi kơmok ƀă tê mơdró. A rôh pêi cheăng, Khu kăn séa ngăn pơkâ thế Khu xiâm ngăn cheăng kơmăi kơmok ƀă tê mơdró tơkŭm pêi klêi 5 tơdroăng pơkâ kơvâ tơnêi têa, malối cho ƀă Túa pơkâ on tơhrik 8. Khu kăn séa ngăn pơkâ thế pêi pro nhên túa pơkâ kơvâ ối tung kơvâ cheăng kơmăi kơmok ƀă tê mơdró, xuân môi tiah ki rơkê plĕng dêi túa pơkâ dêi kơva cheăng ƀă túa pơkâ tơnêi têa ki ê, xua ki khât tá hâi ai tŭm tơdroăng ki vâ séa ngăn. Pôa Nguyễn Đức Hải pơkâ thế, Khu xiâm ngăn cheăng kơmăi kơmok ƀă tê mơdró pơtối séa ngăn, ai hlá mơéa tối tơbleăng pơtroh nhên mâu tơdroăng ki châ mâu ngế cheăng Khu kăn séa ngăn pơkâ mơ’no.

Katarina Nga tơplôu [ă tơbleăng