VOV4.Xơ Đăng - Kơxê lơ 9/2, pôa Nguyễn Xuân Phúc, Kăn xiâm hnê ngăn tơnêi têa nếo kĭ Pơkâ diâp ăm mê dái pêi cheăng ăm Khu kơtú ƀa long vâi kơdrâi tơnêi têa, Ngế hnê kơtú ƀalong ƀă mâu ngế kơtú ƀalong dêi Khu kơtú ƀalong hiăng châ kâ djâ khu kơtú ƀa long vâi kơdrâi roh apoăng veăng roh chung kêt kơtú ƀalong ối má môi kơtú ƀalong vâi kơdrâi Lâp plâi tơnêi (World Cup 2023) dêi Khu pơkuâ ƀa long lâp plâi tơnêi.

Hdrối mê, klêi kơ’nâi khu kơtú ƀalong vâi kơdrâi tơnêi têa châ kâ kong têa Siam hâi má 2 Têt Nhâm Dần ƀă kâ khu kơtú ƀa long kong têa Sinuâ hâi má 6 Têt pơla kố nah, pôa Nguyễn Xuân Phúc, Kăn xiâm hnê ngăn tơnêi têa pơrá pơtroh rơkong kheăn kơdeăn mâu ngế kơtú ƀa long ƀă pôa Mai Đức Chung, Ngế hnê kơtú ƀalong.

Rơtế môi hâi, Kăn xiâm hnê ngăn tơnêi têa hiăng pơkâ Khu râ kăn pơkuâ Khu xiâm pơkuâ ‘na mơhno túa lĕm tro, Tơ’noăng ivá ƀă ôm hyô rơtế Khu pơkuâ Tơ’noăng – Kheăn kơdeăn Tơnêi têa pêi pro rĕng mâu mơ-éa, tro pơkâ vâ teăm tơdrêng kheăn kơdeăn 2 ngế hnê kơtú ƀalong, rơtế ƀă mâu ngế kơtú ƀalong kơnốu ƀă kơdrâi khu kơtú ƀalong tơnêi têa hiăng châ kâ hên tung mâu roh kơtú ƀalong.

A Sa Ly tơplôu ƀă tơbleăng