VOV4.Xơ Đăng - Tơdroăng kong prâi tô mơdrăng ó, on tơhrik mơ’no hên há a mâu kong pơlê peăng Hdroh tơnêi têa, Khu xiâm ngăn on tơhrik peăng Hdroh tơnêi têa dế tơbleăng pơkâ mơ’no on tơhrik tung pơla kong tô mơdrăng ton hâi ƀă tơdroăng ơ’'no pơtối tấk hên. Tiô Khu xiâm kŏng ti on tơhrik peăng Hdroh tơnêi têa, tung khế 2/2022 ai 21 to kong pơlê peăng Hdroh tơnêi têa (ing Ninh Thuận troh Cà Mau ôh tá riân Pơlê kong kân Hồ Chí Minh) ai tâi tâng kơxô̆ on tơhrik mơ’no cho 5,461 rơtal kwh, tâk 17,13% tâng vâ pơchông ƀă  khế 2/2021. 

Tiô tối hdrối tung khế 3 kố kong tôu, ki hngíu tôu lâp kơpong kô pơtối tâk hên, mâu kong pơlê peăng Hdroh tơnêi têa vêh pêi cheăng tiah hmâ a tâi tâng mâu tơdroăng cheăng mê on tơhrik mơ’no pơtối tâk. Tơdrêng ƀă rak  tơniăn ‘na mơ’no on tơhrik, Khu xiâm kŏng ti ngăn on tơhrik peăng Hdroh tơnêi têa tối tơbleăng ăm mâu khu ngăn on tơhrik kuăn pơlê xúa tơtro, tơ-ƀrê, đi đo séa ngăn kơmăi troăng kơxái on tơhrik tung rơpŏng hngêi, a hngêi kơmăi. 

Gương tơplôu ƀă tơbleăng