Pơkâ kơxô̆ 59 dêi Khu xiâm pơkuâ tơdroăng kal kí cho tíu cheăng séa ngăn ki kal vâ Kuô̆k hô̆i, Chin phuh ƀă mâu khu xiâm, kơ koan ki ai tơdjâk mơjiâng ƀă pơkâ mâu troăng hơlâ tŏng kum, troăng hơlâ vâ tí tăng ƀă mơdêk khât mâu tơdroăng ki ai hlâu, ki pơxúa dêi pơlê kong kân vâ troh hơnăm 2030 Cần Thơ cho pơlê  kong kân, kong kế nhâ loăng, rơkê plĕng ‘na khôi túa lĕm tro, têa kroăng kơpong tơbăng kroăng Cửu Long.

Ki xiâm, hnoăng cheăng pơkâ ƀă Khu kăn ki lăm séa ngăn cho mơnhên tối mâu tơdroăng ki pêi pro tiô mâu pơkâ, hnoăng cheăng, troăng hơlâ; mơhno mâu tơdroăng ki u ối, tá hâi pro mâu tơdroăng ƀă xiâm kối klêi kơ’nâi lối 2 hơnăm tơbleăng tơdroăng Pơkâ.

Tiô pôa Phạm Văn Hiểu, kăn phŏ pơkuâ ngăn Đảng pơlê kong kân Cần Thơ, kố cho rôh vâ pơlê kong kân hvái ngăn, mơnhên tối tung pơla hdrối kố nah, hiăng pro klêi mâu tơdroăng ki lâi, kum pơlê kong kân mơdêk mâu kơvâ cheăng, ‘mâi mơnhông mâu tơdroăng tá hâi bro klêi, xơpá, mơdêk tơdroăng ki mơnhông dêi pơlê kong kân.