VOV4.Xơ Đăng - Kơxo lơ 11/1, a Hà Nội, Khu ngăn ‘na tơpui kâ xiâm tơnêi têa tơkŭm po hneăng hôp mơgêi tơdroăng cheăng pêi hơnăm 2021 ƀă tơbleăng troăng rơhlâ, tơdroăng cheăng pêi hơnăm 2022. Tung hơnăm  hdrối, mơhé trâm hên xơpá tung tơbleăng pêi ‘na tơpui kâ, la Khu ngăn ‘na tơpui kâ xiâm tơnêi têa hiăng pê klêi mâu tơdroăng cheăng tiô kơvâ cheăng, hnoăng cheăng dêi tơná.

Hơnăm 2022, khu ngăn ‘na tơpui kâ xiâm ‘nâi nhên hnoăng cheăng kal kí cho tơdroăng cheăng pêi ahdrối cho pêi tơdroăng tơkêa bro hnê pêi tiô pơkâ 32 pơla hơnăm 2021-2025 hiăng châ Khu kăn Đảng kĭ; Hnê mơhno dêi khu kăn Đảng ‘na tơdroăng tơpui kâ ƀă kuăn pơlê vâ mơdêk ki tơ-ƀrê  dêi péa tơdroăng ki xiâm cho tơpui kâ dêi Đảng ƀă tơpui kâ dêi kuăn pơlê.

Khu kố kô pơtối mơdêk tâ nếo tơdroăng cheăng tí tăng ‘nâi plĕng ‘na mơjiâng mâu tơdroăng tơpui kâ dêi kăn xiâm, kăn pơkuâ rêm râ xiâm Đảng tung tí tăng ‘nâi plĕng, mơnhên pơkâ tơdroăng cheăng tơpui kâ kô châ pơkâ tâi tâng tiô troăng rơhlâ tơpui kâ, ki kal, ki xiâm.

Gương tơplôu ƀă tơbleăng