VOV4.Xơ Đăng - Kơxo lơ 2/3, a cheăm tơkăng kong Krông Na, tơring Ƀuôn Đôn, Khu pơkuâ Đoân Droh rơtăm Dak Lak ƀă Khu pơkuâ Đoân droh rơtăm Lâm Đồng tơrŭm tơdroăng khế pái tơkăng kong hơnăm 2022 ƀă dó inâi ‘’Tơkăng kong tơnêi têa á’’. Xua tơdjâk dêi pơreăng, tơdroăng châ tơkŭm po ‘nâng ‘nâi ƀă hên tơdroăng ki pơxúa. Tơdroăng khế pái tơkăng kong dêi rơxông ối nếo 2 kong pơlê Dak Lak ƀă Lâm Đồng châ tơkŭm po ƀă hên tơdroăng xiâm ki pơxúa, kơnía môi tiah: Mơjiâng pro troăng kơxái on tơhrik a troăng tơkăng kong kơpong ôm hyô tơnêi têa ki phá tơ-ê; Tíu tơkâ têa kroăng Sêrêpôk, achê tíu Đông mô đô̆i gâk tơkăng kong pro đông.

Khu pơkuâ Đoân droh rơtăm Dak Lak – Lâm Đồng tơkŭm po tơdroăng Khế pái tơkăng kong hơnăm 2022

Mơjiâng kơmăi tôh têa ki chiâng tôh xêh ăm kơdroh loăng droh rơtăm a Đông mô đô̆i gâk tơkăng kong Sêrêpôk. Diâp kơxuô tơmeăm ăm mâu mô đô̆i gâk tơkăng kong dế pêi hnoăng cheăng a kơpong tơkăng kong. Diêp 20 hnoăng liăn hriâm rơkê Tơdroăng kum o troh hngêi trung ăm hok tro cheăm Krông Na ƀă diâp 150 to hlá cơ Tơnêi têa  ăm kuăn pơlê ƀuôn Drăng Phốk, cheăm Krông Na, tơring Ƀuôn Đôn. Tâi tâng kơxô̆ liăn pêi pro mâu tơdroăng cheăng kố cho lối 100 rơtuh liăn.

A Sa Ly tơplôu ƀă tơbleăng