VOV4.Xơ Đăng - Ƀơrô cheăng Kuô̆k hô̆i nếo tơbleăng ‘na tơdroăng ki ‘mâi rơnêu rôh hôp má 9 dêi Vi ƀan pơkuâ Kuô̆k hô̆i. Tiah mê, tung rôh má 2 po sap ing hâi lơ 22 troh lơ 25/3, tơdroăng kố kô châ ‘mot tơ’nôm tơdroăng ki kal séa ngăn ing tơdroăng pơkâ ‘na kơlo nâp hnoăng liăn mơhá rak vế ƀă yă têa châu têa kơxăng, troh tâi hâi lơ 31/12/2022.

Tiô pơkâ, tơdroăng ki kơdroh nâp hnoăng liăn mơhá rak vế ƀă yă têa châu têa kơxăng ối tung tơdroăng pơkuâ dêi Vi ƀan pơkuâ Kuô̆k hô̆i séa ngăn, pơkâ, ƀă mâu tơdroăng ki nâp hnoăng liăn mơhá ki ê môi tiah VAT lơ nâp hnoăng liăn mơhá ki roê tơmeăm kô ối tung hnoăng dêi Kuô̆k hô̆i. Chin phuh pơkâ thế kơdroh nâp hnoăng liăn mơhá rak vế têa chât têa kơxăng ai 2 rơpâu liăn tung môi lit; têa châu diesel, têa châu mazut, têa nhơk ai 1 rơpâu liăn tung môi lit; rơmâ ai 1 rơpâu liăn 1 kg; têa châu têk on ai 700 liăn tung 1 lit, pơxiâm sap ing hâi lơ 1/4 troh tâi hâi lơ 31/12/2022.

Katarina Nga tơplôu ƀă tơbleăng