Tiô tơbleăng mơgêi, Khu pơkuâ tơdroăng cheăng Đảng kong pơlê Dak Lak hiăng tơkŭm po hlê plĕng pêi pro, hriăn plĕng, pêi pro mâu Pơkâ, tơdroăng pơkâ, Mơgêi dêi Tơnêi têa; tơbleăng mâu mơ-éa khu râ kăn pơkuâ, hnê mơhno mâu kơ koan, tíu cheăng po rơdâ pêi pro mơgêi Pơkâ 18, Mơgêi 121, Pơkâ 35, Pơkâ 57, Mơgêi 123 ƀă mâu mơgêi ki tơdjâk dêi Tơnêi têa. Khu pơkuâ tơdroăng cheăng Đảng kong pơlê hiăng kơtăn, teăm tơdrêng tung tơdroăng hbrâ Hneăng hôp Đảng mâu râ; tơdroăng rah xo mơngế pêi cheăng hnê mơhno kơtăng, inhên, tro pơkâ, troăng pêi, pêi tiô troăng hơlâ dêi Tơnêi têa, tơniăn ki pêi tiô troăng ton ƀă mơnhông.

Khu pơkuâ tơdroăng cheăng Đảng kong pơlê xuân tơkŭm pơkuâ, hnê mơhno Tơdroăng tơkêa bro rah xo khu pêi cheăng tơnêi têa, rah xo bro lế lĕm tro ƀiên chê̆ tiô Pơkâ 18; mơdêk xúa, mơnhông khoa hok ngê̆, pơhlêh nếo tơmiât pêi rơkê ƀă pơhlêh xúa kŏng ngê̆. Pơkâ xiâm tơtêk hơnăm 2025 châ pơkuâ tâk 8% tơtro ƀă pơkâ dêi Tơnêi têa.