Kơxo hâi lơ 28/7, xua pôa Lê Minh Khái, Ngế cheăng tung tíu xiâm Đảng, Ngế pro xiâm phŏ hnê ngăn tơnêi têa pro ngế pơkuâ djâ hiăng pêi cheăng ƀă Khu kăn Đảng kong pơlê Dak Lak vâ tơbleăng pơkâ mơjiâng Khu lăm séa ngăn ƀă pơkâ tí tăng ngăn dêi Khu kăn pơkuâ hnê ngăn Đảng hơnăm 2023 ƀă Khu kăn Đảng kong pơlê Dak Lak.  

Tơdroăng dêi rôh lăm séa ngăn ƀă tí tăng ngăn tơdroăng tơkŭm, pêi pro tối mơgêi a kơxô̆ 21- KL/TW, hâi lơ 25 khế 10 hơnăm 2021 dêi khu kăn xiâm ‘na mơnhông mơjiâng, ‘mâi rơnêu Đảng ƀă tơdroăng kal kí; mơ-eăm mơdât, tah ki pá, pơxâu kơtăng mâu kăn ƀô̆, đảng viên ki ai tuăn ôh tá lĕm ‘na kal kí, hiâm mơno ôh tá lĕm, tơdroăng rêh ối ôh tá lĕm, ki kơ pơkrip mơnhôm.

Tơkŭm tơpui a tơdroăng mơdêk tơplâ mơdât kâ kơluâ, mơ’nhiê liăn ngân, kế tơmeăm, ki  pro ôh tá tro... Pôa Lê Minh Khái, Ngế pro xiâm phŏ hnê ngăn tơnêi têa pơkâ thế mâu ngế tung khu tí tăng ngăn nhên tro tiô pơkâ, tơniăn, ngăn nhên, pêi cheăng tơƀrê, pôi tá tơdjâk troh tơdroăng cheăng hmâ pêi dêi khu kăn pơkuâ hnê Đảng kong pơlê Dak Lak ƀă mâu tíu pêi cheăng.