Hâi lơ 8/9, a tíu pêi cheăng xiâm Đảng, ing hnoăng pơkuâ dêi pôa Tô Lâm Kăn xiam pơkuâ ngăn Đảng, khu xiâm kal kí hiăng pêi cheăng ƀă khu kăn Đảng ủy Công an Xiâm tơnêi têa vâ ăm hnê tối a tơdroăng hlá mơ-eăm chêh ƀă tơdroăng ‘na mơngế pơtoh ăm Hneăng hôp mâu kăn Đảng  ƀô̆ Công an Xiâm tơnêi têa  rôh má 8, hneăng hơnăm 2025-2030.  A rôh pêi cheăng, klêi tơmâng khu kăn Đảng ủy Công an Xiâm tối tơbleăng, Khu xiâm kal kí tơmâng xo hbrâ khât, hbrâ  pêi pro, nhên, kơtăng dêi Đảng ủy Công an Xiâm.

Tơbleăng kal kí châ hbrâ  hên, kơtăng, nhên khât, tâi tâng, khoa hok, tối tŭm tơdroăng ki hiăng pêi pro tiô Pơkâ  rôh hôp hneăng hdrối, tối nhên tíu ki pêi tro, ki hâi pêi, ki pêi hâi teăm tro, xiâm dêi mâu tơdroăng ki hâi pêi pro ƀai hriâm túa pêi cheăng, ‘nâi nhên troăng vâ pêi, tơdroăng pơkâ ƀă 3 khu pơkâ ‘na tơdroăng cheăng, kơmăi  kơmok ‘na kring tơniăn ƀă pơ’lêh kơxô̆, ‘na kế kâ, mơjiâng khu ƀă tơpui kâ; 8 tơdroăng ki kal ƀă 3 tơdroăng ki tơƀrê dêi Đảng ủy Công an Xiâm hneăng la ngiâ... Khu xiâm kal kí vâ môi tuăn ƀă pơkâ tơkŭm po hneăng hôp  mâu kăn Đảng ƀô̆ Công an Xiâm rôh má 8.

Ing mê  tơdroăng tối mơgêi a hneăng hôp, pơkâ thế Khu kăn Đảng ủy Công an Xiâm pơtối tơmâng xo tơdroăng hnê tối veăng vâ pêi klêi tơdroăng chêh tung hlá mơ-éa ƀă tơdroăng cheăng ‘na mơngế a hneăng hôp; kăn hnê ngăn, hnê mơhno pêi tro tŭm tơdroăng cheăng hbrâ; tơkŭm po hneăng hôp klêi tơniăn lĕm, cho tơtro  khât.