Khu xiâm kal kí pêi cheăng ƀă Khu kăn Đảng ủy Măt trâ̆n Tơnêi têa ƀă mâu khu khâu dêi Tíu xiâm
Thứ sáu, 05:00, 05/09/2025
Tơplôu: Gương/VOV
Tơplôu: Gương/VOV
VOV.Xơ Đăng - Kơxo hâi lơ 4/9, Khu xiâm Kal kí xua pôa Tô Lâm - Kăn xiâm pơkuâ hnê ngăn Đảng hiăng pêi cheăng ƀă Khu kăn Đảng Măt trâ̆n Tơnêi têa, mâu khu grup dêi Tíu xiâm, ăm hnê tối ‘na tơdroăng hlá mơ-éa chêh ƀă troăng hơlâ ‘na mơngế pêi cheăng vâ pơtroh ăm Hneăng hôp roh má 1, hneăng hơnăm 2025-2030.
Mâu ngế cheăng tung Khu xiâm kal kí vâ môi tuăn, hlối veăng hnê tối hên tơdroăng, tơ’nôm mơnhên tơdroăng hiăng châ pêi pro, mâu tơdroăng pêi, ki pêi hâi teăm ƀă tơdroăng vâ pêi tung mâu hơnăm la ngiâ.
Mâu tơdroăng veăng hnê tối mê ai tối nhên pơkâ pêi pro ƀă khu tơrŭm cheăng dêi mâu kăn ki nếo, veăng ‘no hnoăng mơdêk tơƀrê tơdroăng pêi pro tiô luât dêi Đảng pơkuâ - Tơnêi têa rak ngăn- Kuăn pơlê pro xiâm. Tối mơgêi hâi pêi cheăng, pôa Tô Lâm - Kăn xiâm pơkuâ ngăn Đảng pơkâ thế Khu kăn Đảng ủy Măt trâ̆n Tơnêi têa ƀă mâu khâu Tíu xiâm tơmâng xo khât tơdroăng ki chêh tung hlá mơ-éa, troăng hơlâ ‘na tăng mơngế pêi cheăng, hbrâ nhên ăm hneăng hôp 2025-2030, tơniăn blêi chiâng ƀă tơƀrê.
Viết bình luận