Khu xiâm kal kí pêi cheăng ƀă Khu pơkuâ ngăn Đảng Chin phuh
Thứ năm, 05:00, 11/09/2025
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Kơxo lơ 10/9, a Tíu pêi cheăng xiâm Đảng, xua tơdroăng pơkuâ dêi pôa Tô Lâm, Kăn xiâm pơkuâ hnê ngăn cheăng Đảng, Khu xiâm pơkuâ tơdroăng kal kí ai rôh pêi cheăng ƀă Khu pơkuâ ngăn Đảng dêi Chin phuh vâ ăm rơkong veăng tơpui ‘na kơxop hlá mơ-éa, túa pơkâ mâu ngế pêi cheăng râ Đảng ƀă cheăng hbrâ rơnáu ăm Hneăng hôp khu kăn Đảng ƀô̆ Chin phuh pơla hơnăm 2025-2030.
A rôh pêi cheăng, Khu xiâm pơkuâ tơdroăng kal kí hiăng tơmâng kăn teăng mâ Khu pơkuâ ngăn Đảng dêi Chin phuh tối tơdroăng mơjiâng hlá mơ-éa ƀă túa pơkâ mâu ngế pêi cheăng pơla hơnăm 2025-2030, tơbleăng tơmâng ngăn, tơpui tối leăng ‘na mâu rơkong veăng tơpui dêi mâu kăn khu xiâm, kơvâ cheăng Tơnêi têa.
Mơgêi rôh pêi cheăng, pôa Tô Lâm, Kăn xiâm pơkuâ hnê ngăn cheăng Đảng pơkâ thế Khu pơkuâ ngăn Đảng dêi Chin phuh tơmâng xo mâu rơkong tơpui dêi mâu kăn cheăng tung Khu xiâm kal kí, ăm rơkong tơpui tơtro dêi mâu khu xiâm, kơvâ cheăng Tơnêi têa vâ chêh pro klêi mâu mơéa ƀă túa pơkâ mâu ngế pêi cheăng, pơtối hbrâ rơnáu krâu vâ tơkŭm po ƀlêi chiâng Hneăng hôp kân Đảng ƀô̆ pơla hơnăm 2025 – 2030.
Viết bình luận