VOV4.Xơ Đăng -  Sap hâi lơ 15/2, a hngêi trung Cao đẳng kŏng đông Dak Nông , Kŏng ti xiâm Tân Cảng Sài Gòn hiăng tơkŭm po hneăng hôp tối tơbleăng ‘na chuăn rơlố hơnăm 2022. A rôh hnê tối, mâu vâi o hok tro sinh viên dêi hngêi trung Cao đẳng Kŏng đong Dak Nông châ kăn ƀô̆ dêi Hải đoàn 29, Kŏng ti xiâm Tân Cảng Sài Gòn tối ăm ‘nâi mâu tơdroăng 'na tíu, hnoăng cheăng, ki kal dêi têqa kơxĭ, chuăn Việt Nam; troăng rơhlâ dêi Đảng, Tơnêi têa pin tung tơdroăng tơleăng mơnhên mâu tơdroăng a têa kơxĭ; hnoăng cheăng dêi lêng tuk Việt Nam tung rak ngăn, kring vế tơniăn chuăn têa kơxĭ hlối hnê mơhno vâ ai hên ngế mơjiâng khu lêng  tuk kăch măng, ki rơkê, pêi cheăng túa ki nếo tung rơxông nếo nôkố.

Kŏng ti xiâm Tân Cảng Sài Gòn pơcháu hngêi tuăn pâ ăm kong pơlê Dak Nông

Rôh kố, Kŏng ti xiâm Tân Cảng Sài Gòn diâp 3 toăng hngêi tuăn pâ kơnâ 240 rơuh liăn rơtế ƀă tơmeăm kum ăm mâu rơpŏng hngêi tơniăn tung rêh ối mơ-eăm pơtối mơnhông mơdêk vâ hluăn ing kơtiê.

Gương tơplôu ƀă tơbleăng