VOV4.Xơ Đăng - Kơxê lơ 3/4, Khu xiâm ngăn ‘na chiâk deăng ƀă mơnhông thôn pơlê hiăng troh lăm séa ngăn tơdroăng tơkâ luâ xơpá tro lu\p xua kong mêi kân a kong pơlê Quảng Bình. Tung 3 hâi hdrối, kong pơlê Quảng Bình hlo ai mêi kân lâp lu. Kố cho rôh kong mêi kân pro lu\p ó troh tơmeăm khoăng pêi chiâk, malối cho mơdâ pêt báu rơnó Hngíu - rơnó Xeăng Tô. kong mêi kân hiăng pro têa lân lối 5.900 ha báu, tung mê tơring Lệ Thủy va achê 3.700 ha. tơring Quảng Ninh lối 1.000 ha. Quảng Bình ai lối 910 ha báu, hên tíu păn akrot ƀă châ long păn ká tro lu\p.  

Mơhé hiăng kơdroh mêi la xuân ối hên ƀăng klâng báu, deăng pêt prá alâi tro têa lu a kơpong ki klong dêi mâu tơring Quảng Ninh, Lệ Thuỷ. Kong pơlê  Quảng Bình pâ thế Khu xiâm ngăn ‘na chiâk deăng ƀă mơnhông thôn pơlê kum hdrê loăng plâi, mơnăn păn vâ ‘mâi mơnhông pêi chiâk. Ton ta ah, kong pơlê pơkâ thế Tíu xiâm kum liăn ‘mâi rơnêu kâng rơchôa ƀă rơnêu troăng cho mơ’no têa a mâu kơpong ki hiăng tơ’nhiê, kum liăn vâ ‘mâi rơnêu mâu tíu ki tơ’lêi tro tơnêi tơhnâp vâ kuăn pơlê rak tơniăn tung rêh ối, ‘mâi mơnhông pêi cheăng kâ.

  Gương tơplôu ƀă tơbleăng