VOV4.Xơ Đăng - Kơxê lơ 6/2, a Trung đoân 916, Sư đoân Không quân 371, Kuân chủng phong không Không quân, lối 5.000 xiâm loăng drêh ngiât hiăng châ pêt a Leh mơhnhôk pêt loăng troh tá ah pâ Pôa Hồ, mơhnhôk tơdroăng pêt môi rơtal xiâm loăng drêh ngiât – xua môi Việt Nam ngiât lĕm hơnăm 2022 xua Khu xiâm pơkuâ lêng tơkŭm po. Mơhnhôk Têt pêt loăng, Đăi tươ̆ng Phan Văn Giang, Ngế xiâm pơkuâ lêng tối nhên hơnăm 2022, tâi tâng khu lêng mơ-eăm pêt 3,3 rơtuh xiâm loăng utâi utá ƀă lối 2.400 ha kong.

Vâ kêi đeăng pơkâ xiâm dêi pôa Phan Văn Giang pơkâ mâu kơ koan, tíu cheăng pơtối pêi tơtro tâ tơdroăng pơtâng tối, tơbleăng hnê hriâm, mơdêk hlê plĕng tung tâi tâng khu lêng ‘na hnoăng, tơdroăng ki kơnâ dêi tơdroăng pêt kong, tơdroăng gak ngăn kong, rak vế kong prâi, mơjiâng tơdroăng pêi trâu rơdâ tung tâi tâng khu lêng, kum kơdroh tơdjâk dêi kong prâi hơ’lêh, mơdêk ki dâi lĕm tơdroăng rêh ối.

A Sa Ly tơplôu ƀă tơbleăng