Tiah mê, Khu xiâm pơkuâ tơdroăng kal kí pơkâ pơtroh xoăng, pôk pôa Nguyễn Hoàng Anh, Ngế cheăng tung tíu xiâm Đảng, ngế pơkuâ ngăn cheăng Đảng hneăng hdrối ƀă jâ Nguyễn Thúy Anh, Ngế cheăng tung tíu xiâm Đảng, kăn pơkuâ Vi ƀan Pơlê pơla dêi Kuô̆k hô̆i hneăng hdrối pro Ngế phŏ pơkuâ Khu ngăn troăng hơlâ, cheăng la ngiâ Tơnêi têa.

Khu pơkuâ ngăn Đảng pơkâ pơtroh, pôk pôa Nguyễn Thế Mạnh, Ngế xiâm pơkuâ Ƀaoh hiêm xah hô̆i Việt Nam pro phŏ pơkuâ Khu ngăn Troăng hơlâ, cheăng la ngiâ Tơnêi têa. Teăng mâ Khu xiâm pơkuâ tơdroăng kal kí, Khu pơkuâ hnê ngăn cheăng Đảng, diâp pơkâ ƀă diâp reăng rơkâu ăm mâu ngế ki nếo châ pôk pro Phŏ Ngế xiâm pơkuâ, ngế pơkuâ Khu ngăn Troăng hơlâ, cheăng tung la ngiâ Tơnêi têa pôa Trần Lưu Quang tối nhên tơdroăng ki séa ngăn tâi tâng mâu ngế cheăng pơkuâ dêi Khu mơhno tơdroăng tơmâng ngăn dêi Khu pơkuâ tơdroăng kal kí, Khu pơkuâ hnê ngăn cheăng Đảng, malối cho tơdroăng dêi kăn xiâm pơkuâ hnê ngăn cheăng Đảng, tơxâng ƀă hnoăng cheăng ki hngăm hngo kố pơcháu ăm Khu ngăn troăng hơlâ cheăng la ngiâ tung hneăng nếo, mot tung chal nếo dêi hdroâng mơngế.