Kơxo lơ 23/9 a Hà Nội tơkŭm po roh păng ‘nâng Hneăng hôp kăn teăng mâ Đảng ƀô̆ Mât trâ̆n Tơnêi têa, mâu râ Khu xiâm tơnêi têa roh má 1 hneăng hơnăm 2025 – 2030, ƀă tơdroăng veăng dêi 346 kăn teăng mâ teăng ăm lối 5.000 đảng viên dêi Đảng ƀô̆. Tơbleăng a Hneăng hôp tối nhên: Hneăng hiăng hluâ, tâi tâng Đảng ƀô̆ hiăng mơnhông hiâm mơno tơrŭm môi tuăn, hbrâ xêh, pơhlêh nếo, tơkŭm pơkuâ tâi tâng tơdroăng cheăng pêi pro hnoăng cheăng kal kí ƀă tơdroăng mơjiâng Đảng, châ hên tơdroăng ki châ tơƀrê ki kal.

Ki má môi, môi tiah: Mơdêk tơdroăng kum rêh ối pơlê pơla ƀă têa tah hngêi pơtân hngêi xi kơchoh ing tơdroăng mơhnhôk mơjiâng, rơnêu lối 180.000 toăng hngêi Tơrŭm môi tuăn diâp rơpŏng kơtiê. Pakĭng mê, hên troăng pêi séa ngăn châ tơƀrê châ rak ƀă po rơdâ mơtiah: “Kuăn pơlê séa ngăn kăn ƀô̆, đảng viên”, “Măt trâ̆n séa ngăn mơ’no liăn cheăng pơlê pơla”, “Séa ngăn tơdroăng pêi pro Pơkâ kuăn pơlê pơkuâ dêi hnoăng cheăng a pơlê pơla’’...Veăng ƀă xông tơpui hnê mơhno a Hneăng hôp, pôa Tô Lâm, Kăn xiâm pơkuâ hnê ngăn Đảng tối rơdêi, pái troăng tơmiât hnê mơhno ƀă tâi tâng Đảng ƀô̆ a Hneăng hôp kăn teăng mâ Đảng ƀô̆ Mât trâ̆n Tơnêi têa: mê cho xo kuăn pơlê pro tíu xiâm, khu ki xiâm, kơlo ki vâ prôk troh ƀă ivá mơnhông dêi pơhlêh nếo.

Rêm tơdroăng pơkâ, tơdroăng pêi pro thế tiâ: ki pơxúa păng ‘nâng ki klâi ăm kuăn pơlê, ăm rêm pơlê pơla inhên. Po rơdâ kuăn pơlê pơkuâ dêi hnoăng cheăng a pơlê pơla, mơdêk tơpui tơno pơlê pơla, rơtế prôk ƀă pêi tiô pơkâ drêng pêi pro, nhuô̆m luât, nhuô̆m ki phá tơ-ê ƀă pơtroh ing tơdroăng pêi pro troh tơdroăng châ tơƀrê pêi pro păng ‘nâng; kơjo mâu troăng pêi ai ivá po rơdâ, kơxô̆ liăn tơtro, tơdjâk kân troh tơdroăng rêh ối, djâ ki pơxúa păng ‘nâng ăm kuăn pơlê.Kăn xiâm pơkuâ hnê ngăn Đảng pơkâ pơtối rak ngăn tơdroăng rêh ối kuăn pơlê ƀă 6 tơdroăng ki xiâm kuăn pơlê rêh ối ƀă pơcháu hnoăng cheăng ki kal khât ăm rêm khu tơrŭm cheăng đoân theh măt t