VOV4.Xơ Đăng - A Học viện Lục quân (Pơlê kong kơdrâm Đà Lạt, kong pơlê Lâm Đồng), mâu đông lêng tung kơpong Quân khu 7 ƀă kong pơlê Ninh Thuận hiăng tơkŭm po hneăng Hôp pơkâ kĭ tơhrâ ƀă tơbleăng luât pơkâ tơrŭm cheăng tung tơdroăng pêi pro tiô Pơkâ kơxô̆ 35 dêi khu xiâm kal kí ‘na tơdroăng mơdêk kring vế ‘na tơdroăng tơmiêi pêi dêi Đảng , tơplâ tơtrâ mâu tơdroăng ki ôh tá troh, ki kơneăm tung tơdroăng nếo nôkố.   

Leh kĭ tơhrâ tơbleăng pêi Pơkâ kơxô̆ 35 dêi khu xiâm kal kí.

Tung pơla hdrối kô nah, ‘na Hngêi trung Đảng dêi Tíu xiâm tơnêi têa troh kong pơlê, mâu hngêi trung hnê ‘na lêng tơplâ, khu hnê mơhno 35 dêi mâu kăn đảng kong pơlê  tối tơchoâm, kơpong Peăng mâ haia lo ‘na Hdroh tơnêi têa tối krê đi đo pơkâ tơplâ tơtrâ mâu tơdroăng ki oh tá tro, ki kơneăm, kring vế tơdroăng tơmiêt pêi dêi Đảng cho hnoăng cheăng pêi ki  xiâm, ki kal  pêi tơdrêng.   Pôa Nguyễn Tấn Vinh, Kăn phŏ pơkuâ Học viện Chính trị kơpong II tối tiah kố, vâ pêi tro mâu pơkâ, tơdroăng cheăng pêi ƀă troăng rơhlâ tung pơkâ kơxô̆ 35 dêi khu xiâm kal kí, kal mơnhên ƀă pêi tơ-ƀrê mâu tơdroăng tơrŭm cheăng tơ-tro tung tơdroăng nếo nôkốkố.

Gương tơplôu ƀă tơbleăng