Ki má môi tung kơvâ khăm pơlât, troh nôkố Kơ koan xiâm hriăn plĕng Trếo tik nik hiăng hriăn plĕng ƀă pro chiâng lối 30 khu phá tơ-ê dêi pó xuân môi tiah châ mơnhên vâ kum tung kơvâ khăm pơlât ƀă mâu kơvâ cheăng kâ kih thuât ki ê; 7 tơmeăm dêi Kơ koan xiâm châ djâ tung inâi pơkeăng dêi Việt Nam sap ing khế 2/2010; Mâu tơmeăm châ mơnhên cho Tơmeăm troăng pêi ki rơkê khoa hok Kŏng ngê̆, tung Kơxop mơ-éa mêa Việt Nam hơnăm 2018.

Rêm măng tĭng kơ koan xiâm mơjiâng pro ăm pơkeăng đồng vĭ phóng xạ ăm 23 Khoa Y hok trếo tik tung tung lâp tơnêi têa. Tiê̆n sih Cao Đông Vũ, Kơ koan xiâm Hriăn plĕng Trếo tik nik, tối ăm ‘nâi, tíu dế pơtối mơdêk mơnhông khoa hok kŏng ngê̆ trếo tik nik kum ăm tơdroăng mơjiâng hơniâp lĕm ƀă mơnhông cheăng kâ – rêh ối pơlê pơla dêi tơnêi têa.