Tơkâ hluâ 80 hơnăm mơjiâng, xông tơplâ xâ, mơnhông mơdêk ƀă xông kân, Kơ koan xiâm Pơtâng hnê tối ƀă kơvâ Pơtâng hnê tối Khu lêng đi đo hbrâ, ƀeăn ƀĕng, tơbleăng ăm Khu Kăn pơkuâ hnê ngăn Đảng lêng Tơnêi têa, Khu xiâm pơkuâ lêng, Kơ koan xiâm kal kí,  khu râ kăn pơkuâ hnê ngăn cheăng Đảng, pơkuâ mâu râ kăn pơkuâ, hnê mơhno tâi tâng mâu tơdroăng ‘na ihiâm mơno, khôi túa lĕm tro, rak krá ‘na ihiâm mơno dêi Đảng tung Khu lêng, gum mơjiâng Khu lêng kuăn pơlê Việt Nam krá tơniăn ‘na kal kí.
 

Tung hneăng nôkố drêng tơnêi têa mot tung chal nếo ƀă mơjiâng khu lêng kăch măng, chĭn qui, ƀeăn ƀĕng, tiô rơxông nếo, rơtế ƀă mâu pơloăng mơnúa dêi tơdroăng lâp plâi tơnêi tơdjâk troh tung tơnêi têa, tiô Thiê̆u tươ̆ng, PGS, TS, Ngế hnê hriâm kuăn pơlê Nguyễn Bá Dương, Pơkuâ Khu ngế rơkê 35 Kuân ủi Tơnêi têa: tơdroăng ‘na ihiâm mơno, khôi túa lĕm tro châ mơdêk a râ nếo vâ tơmiât la ngiâ mơjiâng Khu lêng kuăn pơlê Việt Nam ƀeăn ƀĕng rơkê ‘na kal kí.