VOV4.Xơ Đăng - Tung mâu hâi vâ chê tết kố a kong pơlê Kon Tum, hên rôh rơxế chơ tơmeăm têt xuân dế tơvâ tơvân kơtâu vêh chu to rơnâk vâ troh ƀă kuăn pơlê 6 to thôn pơlê kơpong xiâm kăch măng Khu kăn Đảng kong pơlê Kon Tum a cheăm Măng Ri, tơring Tu Mrông.

Kuăn pơlê cheăm Măng Ri xo chu vâ tơkŭm kâ Têt

Têt hơnăm kố 145 rơpŏng kơtiê acheăm Măng Ri rêm rơpŏng châ kong pơlê Kon Tum kum 600 rơpâu liăn ƀă 28 rơpŏng vâ chê kơtiê rêm rơpŏng châ kum ăm 300 rơpâu liăn vâ kâ têt.

Mâu pơlê a 6 to cheăm kăch măng kong pơlê Khu kăn Đảng kong pơlê Kon Tum  xuân châ kum chu vâ kuăn pơlê kâ Têt Lo hơnăm nếo Nhâm Dần

Pakĭng mê, mâu rơpŏng ki mê ối châ xo tơmeăm têt ing mâu khu grup, khu mơdró ƀă tơkŭm tŏng kum rêm kơxu tơmeăm ing 500 rơpâu liăn tơngi klêng. Pôa Nguyễn Đình Hồng, Kŏng ti veăng tơlo liăn sâm Ngọc Linh Kon Tum ăm ‘nâi, tơdrêng  ƀă cheăm Măng Ri, a 5 to cheăm dêi tơring Tu Mrông, mê cho: Tê Xăng, Ngọc Lây, Ngọc Yêu, Đăk Na ƀă Văn Xuôi Kŏng ti xuân ăm rêm pơlê 2 pŭm chu vâ kuăn pơlê kâ Tết.

Gương tơplôu ƀă tơbleăng