Tiô tối tơbleăng, hơnăm 2024 ai lối 20.500 tin, bai dêi mâu kơ koan hlá tơbeăng chêh tối ‘na kong pơlê Kon Tum. Tơdrêng ƀă mâu tơdroăng chêh tối tŭm, teăm tơdrêng ai mâu tơdroăng po leh kân, hlá tơbeăng xuân hlo, chêh tối mâu tơdroăng hâi pêi pro, ki ối xơpá, tơvâ tơvân a mâu pơlê cheăm, tíu pêi cheăng tung kong pơlê.

Kố cho  môi ƀâng tối mâu tơdroăng kal kum tơdroăng cheăng hnê mơhno, pơkuâ dêi kong pơlê Kon Tum rế ai pơxúa. Tơbleăng a hneăng hôp, pôa U Huấn, kăn phŏ pơkuâ hnê ngăn Đảng kong pơlê Kon Tum púi vâ: hơnăm 2025, hlá tơbeăng kal pro xiâm ki kal tung tơdroăng hnê tối ‘na mâu tơdroăng kăn pơkuâ, rak ngăn, pơkuâ rêm râ, mâu kơvâ cheăng, Hneăng hôp Đảng ƀô̆ rêm râ hneăng hơnăm 2025 - 2030, mơhnhôk tâi tâng Đảng, tâi tâng kuăn pơlê, rơtế ’no ivá, môi tuăn mơ-eăm pêi tơƀrê  klêi tơniăn tơdroăng xing xoăng rah iâ tê mơngế pêi cheăng tung khu kăn xiâm kal kí.

Rôh kố Khu tơrŭm po tơ'noăng ka pri Búa Liềm Vàng kong polê Kon Tum diâp 35 pri, tung mê ai 8 pri B; 12 pri C ƀă 15 pri mơhnhôk ăm mâu ngế ki chêh, khu chêh châ kâ Pri hlá tơbeăng mơjiâng Đảng dêi Đảng ƀô̆ kong pơlê Kon Tum rôh má 4 hơnăm 2024.