Tơbleăng a hneăng hôp, pôa Phạm Minh Chính Ngế pro xiâm hnê ngăn tơnêi têa tối nhên, tơrŭm cheăng pơla Việt Nam - Lếo  tơviah kân ƀă ai tơdroăng pêi krê, xua mê thế ai luât pơkâ tơpui kâ lĕm ƀă dêi rơpó, ing plâi nôih troh plâi nôih, ai hnoăng pôu râng ƀă ‘nâi hnoăng cheăng pêi ki lĕm pơxúa ăm dêi rơpó.

Ƀă tơdroăng pơkâ “kum pú kum tơná”, Ngế pro xiâm hnê ngăn tơnêi têa krếo thế khu mơdró 2 tơnêi têa tơrŭm môi tuăn, gum dêi rơpó vâ rơtế hlê plĕng. Peăng tơná Ngế pro xiâm hnê ngăn tơnêi têa Lếo ăm ‘nâi tung la ngiâ péa pâ kô pơtối tah mâu tơdroăng xơpá tơvâ tơvân ƀă tơbleăng pêi mâu tơdroăng tơkêa bro troăng prôk, troăng rơxế lơ treng, kơno tuk Vũng Áng, po rơdâ mâu tơdroăng tơkêa bro tơmeăm pêi lo ing chiâk deăng.

Ngế pro xiâm hnê ngăn kong têa Lếo púi vâ khu mơdró péa tơnêi têa pơtối ‘no liăn pêi cheăng kâ tê mơdró a Lếo ƀă Việt Nam, pơtối rak tơmeăm khoăng ki rơdêi dế péa pâ vâ pro pơxúa hơniâp ro phâi tơtô ăm kuăn pơlê péa tơnêi têa.