Pôa Phạm Minh Chính tối nhên tung pơla trâm hên pá puât, pơloăng mơnúa, laga kơnôm hlê plĕng trâu hơngế hnê mơhno dêi péa Khu xiâm kal kí, rơtế mơ-eăm, khŏm mơ-eăm hên dêi Tơnêi têa, Chin phuh, mâu khu xiâm, kơvâ cheăng, kong pơlê, péa tơnêi têa hiăng pêi pro kơtăng, châ tơƀrê mâu tơdroăng Tơpui tơno môi tuăn khu râ kăn xiâm, djâ hên tơdroăng châ tơƀrê tung tơrŭm cheăng pơla péa tơnêi têa, gum rơtế dêi pó mơjiâng tơdroăng cheăng kâ tơniăn krê, pơkuâ xêh, mot tơrŭm lâp plâi tơnêi trâu hơngế, păng ‘nâng, châ tơƀrê, hên tơdroăng châ tơƀrê ki má môi tơxâng mơnhên.

Mơgêi a hneăng hôp, Péa pâ loi tơngah mâu tơdroăng cha tơƀrê dêi Hneăng hôp kô mơjiâng tơdroăng ivá nếo kum tơrŭm cheăng pơla péa tơnêi têa thăm mơnhông mơdêk, prôk trâu hơngế, păng ‘nâng, loi tơngah, châ tơƀrê, kum đi đo pro krá tơniăn tơrŭm cheăng nhŏng o kân, tơrŭm môi tuăn ki má môi ƀă tơrŭm tâi tâng Việt Nam – Lếo tung la ngiâ.