Pôa Lương Cường, Kăn xiâm hnê ngăn tơnêi têa tối phiu ro ƀă mơnê drêng kăn ƀô̆, mâu lêng Mô đô̆i gâk tơkăng kong hiăng tơrŭm krá tơniăn ƀă khu râ kăn pơkuâ hnê ngăn cheăng Đảng, khu râ kăn pơkuâ, mâu râ, mâu kơvâ cheăng tŏng gum Têt ăm kuăn pơlê a kơpong tơkăng kong; mơhno hiâm mơno pôu râng hnoăng cheăng bă hiâm mơno lĕm dêi Khu mô đô̆i kuăn pơlê Việt Nam khên tơnôu. Pôa Lương Cường, Kăn xiâm hnê ngăn tơnêi têa pơkâ thế khu râ kăn pơkuâ hnê ngăn cheăng Đảng, khu râ kăn pơkuâ mâu râ pơtối tơkŭm pêi pro tơdroăng ƀlêi trâng hnoăng cheăng hơnăm 2025 sap ing hâi apoăng hơnăm.

Tung mê, Mô đô̆i gâk tơkăng kong cho pơkuâ tơdroăng cheăng, pơtối tơrŭm môi tuăn, pêi pro ƀlêi pro ƀlêi trâng hnoăng cheăng pơkuâ, gâk kring krá tơniăn hnoăng pơkuâ tơnêi tơníu, gâk kring tơkăng kong tơnêi têa. Klăng roh kố, pôa Lương Cường, Kăn xiâm hnê ngăn tơnêi têa diâp 200 toăng hngêi tuăn pâ hơtô tơkăng kong kơnâ 10 rơtal liăn ăm kuăn pơlê kơpong tơkăng kong kong pơlê Lai Châu ƀă diâp 11 kơxuô tơmeăm ăm mâu rơpŏng ai hnoăng tơnêi têa.