VOV4.Xơ Đăng - A Kon Tum tung mâu hâi hdrối kô nah mâu ngế tâ COVID - 19 pơtối tâk ƀă riân troh lơ 23/2 tâi tâng kơxô̆ mơngế F0 dêi kong pơlê ing apoăng ai pơreăng hiăng luâ 6 rơpâu ngế. Hdrối mê tung péa hâi lơ 21 ƀă 22/2 kơvâ ngăn pơkeăng kong pơlê Kon Tum xuân hiăng tối lâp tung kong pơlê ai tơ’nôm 344 ngế F0. tơdroăng ki tô tuăn cho kơxô̆ mơngế nếo tâ COVID-19 tung kong pơlê hlo rế hên a mâu kơpong hngế hngo, kơpong hdroâng kuăn ngo rêh ối.

Kăn xiâm hnê ngăn kong pơlê Kon Tum séa ngăn tơdroăng cheăng hbrâ mơdât COVID-19 a cheăm Đăk Môn, tơring Đăk Glei

Vâ mơdêk ki tơ-brê tung hbrâ mơdât pơreăng, Khu hnê mơhno hbrâ mơdât pơreăng COVID-19 kong pơlê Kon Tum pơkâ thế kuăn pơlê pôi tá préa, pôi tá lối xâu, pôi tá tô tuăn, pôi tá tơngôu; tơrŭm krá ƀă mâu kơ koan khu râ pơkuâ cheăng, mâu kăn kong pơlê tung tơdroăng cheăng hbrâ mơdât COVID-19; Pêi kơtăng tro tiô pơkâ “5K + vaccine“ tung hbrâ mơdât COVID-19 tiô hnê mơhno dêi khu xiâm ngăn pơkeăng pơlât, malối thế truâ kên pâng môh drêng lo ing hngêi ƀă pâk vaccine mơdât COVID-19.

Gương tơplôu ƀă tơbleăng