VOV4.Xơ Đăng Hâi lơ 8/2, 10 tơring, pơlê kong kơdrâm dêi kong pơlê Kon Tum tơkŭm po leh tơbleăng tơdroăng tơ’noăng lo lăm pêi cheăng mơjiâng thôn pơlê nếo ƀă kơphô̆ rơkê plĕng apoăng Rơnó Hơngui Nhâm Dần 2022. Leh tơbleăng tơdroăng tơ’noăng lo lăm pêi cheăng mơjiâng thôn pơlê nếo ƀă kơphô̆ rơkê châ kong pơlê Kon Tum rak vế tơkŭm po klêi kơ’nâi Têt Lo hơnăm nếo rêm hơnăm.

Mâu kăn veăng pro troăng prôk klêi leh lo lăm pêi cheăng apoăng hơnăm a tôh kơphô̆ 5, pơlê kân Đăk Hà, tơring Đăk Hà

Hơnăm kố, tơdroăng tơ’noăng ai inâi: “Mơnhông mơdêk pêi cheăng kâ, ‘mâi rơnêu, rơnuâ kơpong kuăn pơlê rêh ối, mơjiâng thôn pơlê nếo, kơphô̆ rơkê”. Ki khât gá ăm hlo, kơnôm ing khu pơkuâ tơdroăng kal kí ƀă hên hĭn kuăn pơlê veăng kơhnâ, troh nôkố kong pơlê Kon Tum hiăng ai 35 to cheăm pêi klêi thôn pơlê nếo, tung mê, ai 3 to cheăm pêi klêi thôn pơlê nếo mơdêk. Hơnăm 2022 kong pơlê mơ-eăm ai tơ’nôm 8 to cheăm pêi klêi thôn pơlê nếo.

Katarina Nga tơplôu ƀă tơbleăng