VOV4.Xơ Đăng - Khu ki ai tơdjâk troh tơring Kon Plong, kong pơlê Kon Tum dế séa ngăn môi rôh ko ‘nhiê kong ki nếo châ hlo a pơlê kân Măng Deang. Tơdroăng apoăng châ ‘nâi châ Vi ƀan hnê ngăn pơlê kân Măng Deang châ hlo a hâi lơ 3/3/2022 a lô 2 ƀă lo 33, khoảnh 11, kơpong 486, ƀăng tơnêi kong kố ối tung tơdroăng ki rak ngăn dêi Vi ƀan hnê ngăn pơlê kân Măng Deang.

Kong tro ko 'nhê

Troh hâi lơ 8/3/2022 mâu khu ki ai tơdjâk dei tơring Kon Plông hiăng lăm séa ngăn a tíu ki ai tơdroăng ko ‘nhiê kong vâ mơnhên ai 26 to xiâm loăng ki tro vâi uâ kơtong, cho túa loăng: ung phâu, máu chó, loăng ‘mốu trĭng, loăng ung phâu ối tung khu V ƀă khu VI. Troăng ki rơdâ ngi xiâm mâu loăng tro khu ki tong ko ‘nhiê uâ sap ing 30cm troh 80cm. Rêm to xiâm loăng tro khu ki tong ko bu uâ xo peăng ‘nâi ki kân má môi, ki u ối hvât lôi a tíu ki ê.

Tíu ki vâi toi châ mơnhên apoăng troh toi vêh tơring Kon Rẫy. Nôkố, tơdroăng ko ‘nhiê kong kố dế châ kơ koan Kăn sat séa ngăn tơdroăng xôi dêi Kŏng an tơring Kon Plông ƀă Tíu rak ngăn loăng pơlái kuăn kiâ kong tơring Kon Plông, kong pơlê Kon Tum séa ngăn vâ pêi pro nhên.

Katarina Nga tơplôu [ă tơbleăng