VOV4.Xơ Đăng - Vi ƀan kong pơlê Kon Tum hiăng pơkâ kheăn hôu pôa Đặng Thanh Nam, kăn hnê ngăn Vi ƀan tơring Kon Plông, hneăng hơnăm 2021 – 2026 pơtê cheăng. Hâi lơ 21/9/2022, Hô̆i đong tơring Kon Plông xuân hiăng Pơkâ tah kơlŏng, thế pơtê cheăng ƀă pôa Đặng Thanh Nam, kăn teăng mâ Hô̆i đong tơring Kon Plông hneăng XV, hneăng hơnăm 2021 – 2026, xua xôi kân mâu tơdroăng pơkâ dêi Đảng, luât dêi Tơnêi têa, ôh tá tơniăn mâu pơkâ dêi kăn teăng mâ Hô̆i đong tơring.

Pôa Đặng Thanh Nam veăng môi roh hôp tung hâi Khu pơkuâ cheăng Đảng kong pơlê Kon Tum hôp séa ngăn kheăn hôu pôa

Tiô châ ‘nâi pôa Đặng Thanh Nam, Kăn phŏ pơkuâ hnê ngăn Đảng tơring, Kăn hnê ngăn Vi ƀan tơring Kon Plông tro tah kơlŏng, thế pơtê cheăng tung Đảng ƀă kăn pơkuâ tơdjâk troh mâu tơdroăng pro xôi kơvâ pơkuâ tơnêi tơníu ƀă mơ’no liăn cheăng.

            A Sa Ly tơplôu ƀă tơbleăng