VOV4.Xơ Đăng - Kơxê lơ 24/1, a pơlê kong kơdrâm Kon Tum, Khu pơkuâ Đảng kong pơlê Kon Tum tơkŭm po hneăng hôp mơgêi tơdroăng cheăng chêh hlá tơbeăng hơnăm 2021 ƀă trâm mâ 135 ngế kăn mâu ngế rơkê, mâu văn ngê̆ sih, mâu ki chêh hlá tơbeăng hơnăm 2022. Tiô tơdroăng tối dêi khu hnê mơhnhôk cheăng kal kí - pôa Dương Văn Trang, Kăn pơkuâ hnê ngăn Đảng kong pơlê Kon Tum ƀă tơbleăng dêi kăn hnê ngăn Đảng kong pơlê, Kăn hnê ngăn Hô̆i đong kong pơlê Kon Tum tối a hneăng hôp ăm hlo, hơnăm 2021 tung pơla ai pơreăng kân COVID-19 tâ tú rơ-iô la Kon Tum hiăng pêi tơdrêng peá tơdroăng, hlối hbrâ mơdât pơreăng hlối mơnhông cheăng kâ rêh ối ƀă châ pê klêi hên tơdroăng ki kal.

Hneăng hôp tơpui tơdroăng chêh hlá tơbeăng hơnăm 2021 ƀă trâm mâ mâu ngế rơkê , văn ngê̆ sih, mâu ki chêh hlá tơbeăng gơnăm 2022

Khoh ai tiah mê, kơnôm veăng ‘no hnoăng cheăng dêi mâu ngế rơkê, văn ngê̆ sih ƀă mâu ki chêh hlá tơbeăng. A hneăng hôp, khu kăn pơkuâ cheăng Đảng kong pơlê kong Tum hiăng tơmâng xo hên tơdroăng ki púi vâ dêi mâu ngế rơkê, văn ngê̆ sih, mâu chêh hlá tơbeăng tung pơkâ ‘mâi rơnêu luât tŏng kum; tơbleăng ki lĕm tro ‘na vêa vong, ngê̆ thuât tiô khôi hmâ dêi mâu hdroâng kuăn ngo tung kong pơlê Kon Tum.

Pôa Dương Văn Trang, Kăn pơkuâ hnê ngăn Đảng, Kăn hnê ngăn Hô̆i đong kong pơlê Kon Tum tơpui tơno ƀă mâu ki rơkê, văn ngê̆ sih, mâu ngế chêh hlá tơbeăng

Kăn pơkuâ hnê ngăn kong pơlê Kon Tum pơkâ thế rêm râ, kơvâ cheăng  pơtối pro tơ’lêi hlâu vâ mâu ngế rơkê, văn ngê̆ sih, mâu chêh hlá tơbeăng pơtối rak vế ivá mơ-eăm, ki rơkê plĕng tung pêi cheăng, púi vâ mâu ki rơkê văn ngê̆ sih, mâu chêh hlá tơbeăng pơtối ‘no hên hnoăng tâ nếo tung mơjiâng ƀă mơnhông kong pơlê Kon Tum.

Gương tơplôu ƀă tơbleăng