VOV4.Xơ Đăng - Vi ƀan kong pơlê Kon Tum nếo tơkŭm po Hôp khu chêh hlá tơbeăng tơpui ‘na tơdroăng tơbleăng, pêi mơgêi tiô kơxô̆ 222 hâi lơ 18/2/2022 dêi Khu Séa ngăn Chin phuh. Pôa Nguyễn Hữu Tháp, kăn phŏ hnê ngăn Vi ƀan kong pơlê Kon Tum, ăm ‘nâi: Vi ƀan kong pơlê hiăng hnê mơhno mâu tíu pêi cheăng, kong pơlê tơdjâk troh tơdroăng thâ séa ngăn, tơbleăng tơkâ luâ xơpá mâu tơdroăng ki pá, kơdroh ki khu séa ngăn Chin phuh hiăng hnê mơhno.

Rơtâ tâ hneăng hôp ƀă khu chêh hlá tơbeăng

Ƀă mâu tơdroăng xôi tung tơdroăng rak ngăn xúa tơnêi, tơdroăng cheăng rak ngăn ‘no liăn mơjiâng pro, pơkâ mơjiâng, hdró kơphô̆... mê Khu séa ngăn Chin phuh hiăng tối mơgêi, Vi ƀan kong pơlê Kon Tum kô hnê mơhno ăm mâu tíu pêi cheăng ki ai tơdjâk troh tơbleăng pêi kơtăng, tơniăn tro tiô pơkâ nôkố. ‘Na tơdroăng ki pro pơxúa ing inâi sâm Ngọc Linh, Kăn xiâm ngăn ‘na chiâk deăng ƀă mơnhông mơdêk thôn pơlê kong pơlê Kon Tum ăm ‘nâi, nôkố ai hên khu, hên ngế mung inâi sâm Ngọc Linh Kon Tum vâ tê tơmeăm tung măng xah hô̆i, Kong pơlê kô séa ngăn ƀă mơdât tơdroăng

Gương tơplôu ƀă tơbleăng