Kŏng an Lâm Đồng pơtroh vâ chê 34 tâ̆n kơchâi ăm kuăn pơlê kơpong têa lân lu Khánh Hòa
Thứ năm, 05:00, 04/12/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Hlo mâu tơdroăng xơpá dêi kuăn pơlê kơpong tro têa kân lân lu kong pơlê Khánh Hòa, Kŏng an kong pơlê Lâm Đồng hiăng po rôh mơhnhôk tâi tâng khu pơtroh ăm kuăn pơlê kơpong têa kân lân lu 34 tâ̆n kơchâi, plâi pôm tŭm túa.
Bu klêi kơ’nâi 2 hâi tơbleăng, mâu tíu pêi cheăng ối tung Kŏng an kong pơlê Lâm Đồng hiăng tơdah xo tơdroăng ki veăng gum dêi mâu kăn ƀô̆, lêng ƀă kuăn pơlê a kong pơlê ƀă tâi tâng châ 34 tâ̆n kơchâi plâi pôm tŭm túa.
A hâi lơ 2/12 tâi tâng kơchâi, plâi pôm ki kố hiăng châ tíu pêi cheăng tơrŭm ƀă ƀơrô cheăng kal kí, Kŏng an kong pơlê Lâm Đồng klâ xoăng, pơtroh troh a 2 to cheăm: Ninh Phước, Tây Khánh Sơn ƀă bêng Hòa Thăng, kong pơlê Khánh Hòa gum kuăn pơlê kơpong têa kân lân lu, gum kuăn pơlê ai kế kâ rêm hâi vâ rĕng tơniăn tơdroăng rêh ối ‘mâi mơnhông cheăng kâ klêi kơ’nâi kong mê khía mơhot têa kân lân lu.
Viết bình luận