VOV4.Xơ Đăng - Tơdjâk troh tơdroăng ko ‘nhê kong kơdrum ilâng kân tơnêi têa vâ pro troăng Trường Sơn Đông, Vi ƀan kong pơlê Dak Lak nếo ai hlá mơ-éa pâ thế Khu xiâm tí tăng ‘nâi plĕng - khu xiâm pơkuâ ngăn lêng pơkâ thế pơtê  tơdrêng pro troăng. Kong pơlê Dak Lak xuân pơkâ thế Khu xiâm  tí tăng ‘nâi plĕng tơrŭm krá ƀă mâu kơ koan khu râ pơkuâ cheăng dêi kong pơlê Dak Lak vâ séa ngăn, mơnhên, tơleăng pơxâu mâu tơdroăng xôi tung pêi pro troăng Trường Sơn Đông a tơnêi kong ki hâi pơ’lêh xúa. 

Pakĭng mê, Ngế xiâm pơkuâ tí tăng ‘nâi plĕng thâ tí tăng ‘nâi plĕng pêi pro, tơbleăng mâu tơdroăng kal dêi Vi ƀan kong pơlê Dak Lak ƀă Khu xiâm ngăn chiâk deăng ƀă mơnhông thôn pơlê séa ngăn, tơkŭm tâi tâng kong, túa kong ki kal pơ’lêh xúa ing kong dêi tơdroăng tơkêa troăng kân Trưòng Sơn Đông.

Ing mê, pro xiâm tối tơbleăng dêi Khu xiâm ngăn chiâk deăng ƀă mơnhông mơdêk thôn pơlê chêh pro hlá mơ-éa xúa kong chiâng tơdroăng xúa ki ê.

Gương tơplôu ƀă tơbleăng