VOV4.Xơ Đăng - Kăn hnê ngăn Vi ƀan kong pơlê Kon Tum nếo pơtroh hlá mơ-éa  kơxô̆ 02 hnê mâu kơ koan khu râ pơkuâ cheăng tơring Kon Plông. Tiô tối tơbleăng dêi Vi ƀan kong pơlê Kon Tum ăm ‘nâi, tơdroăng ‘no ‘nhiê kong, hdi tơnêi kong, ko kong hmâng vâ ôh tá tro luât pơkâ a tơring Kon Plông hlo rêm hâi. Tung tơring hmâ hlo mâu roh ko ‘nhiê kong, hdi tơnêi kong, chơ loăng hmâng vâ...

A tíu ko ‘nhiê kong a tơring Kon Plông

Ki achê kố cho rôh uâ kơdong 26 xiâm loăng a khoảnh 11 poh xá 486 xua Vi ƀan pơlê kân Măng Deang rak ngăn. Kăn hnê ngăn Vi ƀan kong pơlê Kon Tum pơkâ thế kơ koan khu râ pơkuâ cheăng thâ tơrŭm ƀă mâu kơ koan, khu râ ƀă tíu pêi cheăng tơdjâk troh séa ngăn, mơnhên ngăn vâ ‘nâi mâu ngế ki lâi ko loăng hmâ vâ, kơxô̆ loăng ko hmâng vâ mê hiăng chơ lo ing kong a khoảnh 11, poh xá 486, pơlê Kân Măng Deang, tơring Kon Plông. Klêi séa ngăn pơxâu phak tối tơbelăng ăm Vi ƀan kong pơlê ƀă mâu kơ koan râ kơpêng tiô tơdroăng pơkâ.

Gương tơplôu ƀă tơbleăng