Roh lăm pôu pêi cheăng tơkŭm po tung pơla péa tơnêi têa rế mơdêk tơrŭm cheăng to Khu tơrŭm cheăng ton xŏn tâi tâng a hơnăm 2024. Roh lăm pôu mơhno troăng hơlâ dêi Australia ‘na môi tuăn sap apoăng troh tá tui lui nhuô̆m ƀă kơjo hên ăm tơdroăng mơnhông tơrŭm cheăng ƀă kơpong Đông Nam Á, tung mê, ai Việt Nam.

‘Na peăng Việt Nam, tơdroăng tơdah Kăn pôu râng tâi tâng hnoăng kong têa Australia troh veăng kum pêi pro troăng hơlâ tơpui kâ dêi Đảng ƀă Tơnêi têa nhuô̆m tơrŭm cheăng ƀă mâu kong têa kơpong Nam Thái Bình Dương, ki rơhêng vâ tối cho kong têa Australia. Nôkố Australia cho khu tơrŭm tê mơdró kân má 7 dêi Việt Nam ƀă Việt Nam cho khu tơrŭm kân má 10 dêi Australia.

Pêi lo liăn tê mơdró pơla péa tơnêi têa tơtêk tơniăn, châ lối 14 rơtal dollars hơnăm 2024. Péa pâ xuân thăm lo péa kơchơ mơdró ăm tơmeăm pêi chiâk deăng dêi pó. Roh lăm pôu râ Tơnêi têa troh Việt Nam dêi Kăn pôu râng tâi tâng hnoăng kong têa Australia – pôa Sam Mostyn kô pơtối pro krá tơniăn ƀă thăm loi tơngah troăng pêi cheăng ton xŏn pơla péa tơnêi têa, veăng kum tung hơniâp lĕm, tơniăn ƀă mơnhông a kơpong.