VOV4.Xơ Đăng - Kơxo lơ 18/1, a Hà Nội, Kŏng thŏng tin điê̆n tưh Chin phuh, Hlá tơbeăng điê̆n tưh Chin phuh tơkŭm po leh tơbleăng troăng pơxiâm chêh ‘mot mâu tơdroăng ki nếo, po ngăn chêh ‘mot mâu tơdroăng chêh. Pôa Vũ Đức Đam, Ngế pro xiâm phŏ hnê ngăn tơnêi têa troh veăng leh ƀă hlối tơbleăng a rôh leh. 16 hơnăm hdrối nah riân sap hâi lơ 10/1/2006, drêng pôa Phan Văn Khải, Ngế pro xiâm hnê ngăn tơnêi têa tiê tíu pơxiâm tơbleăng ‘mot tung măng Internet lâp plâi tơnêi a Kŏng thŏng tin điê̆n tưh Chin phuh (Vâ tối cho Website dêi Chin phuh), hiăng chiâng ƀâng tối ăm ‘nâi rêm hâi mâu tơdroăng, đi đo tơbleăng tối ăm ‘nâi mâu tơdroăng, tơdah xo mâu tơdroăng, chêh ‘mot mâu tơdroăng tung kơmăi, nhên tro dêi Chin phuh tung măng Internet; kum tơbleăng tro tơ-brê mâu tơdroăng hnê mơhno, pơkuâ hnê dêi Chin phuh, Ngế pro xiâm hnê ngăn Chin phuh.

Rêm hơnăm, Kŏng thŏng tin điê̆n tưh Chin phuh ai chêh vâ ki hên iâ gá lối 30 rơpâu tơdroăng nếo ai, ƀai, album um, video clip, lối 400 tơdroăng tơbleăng - tơdroăng tơbleăng ăm ‘nâi dêi kuăn pơlê, po ngăn lối 2.000 tơdroăng chêh ki tro luât ƀă tơdroăng chêh hnê mơhno pơkuâ dêi chin phuh, Ngế pro xiâm hnê ngăn Chin phuh, chêh tơbleăng dâng 1.200 kơxô̆ ki tối tơbleăng ƀă hên ki ê.

Gương tơplôu ƀă tơbleăng