VOV4.Xơ Đăng - Bu tung 1 măng tĭng sap hâi lơ 14/2 troh hâi lơ 21/2, lâp pơlê kong kơdrâm châ hlo lối 40 ngế tro tâ pơreăng cho thái cô ƀă lối 430 ngế cho hok tro. Drêng ai pơreăng xông tâ tú ó, Ƀơrô hnê hriâm – Hnê mơjiâng tuăn ngôa rơkê pơlê kong kơdrâm Ƀuôn Ma Thuột hiăng tơbleăng Vi ƀan pơlê kong kơdrâm ăm pơtê pơtân troh hngêi trung ƀă hok tro tâi tâng mâu khô̆i, lâm, bu lâm 9 ƀă lâm 12 chiâng hriâm tơdrêng.

Kơvâ hnê hriâm pơlê kong kơdrâm Ƀuôn Ma Thuột

Tiô Ƀơrô hnê hriâm – Hnê mơjiâng tuăn ngôa rơkê pơlê kong kơdrâm Ƀuôn Ma Thuột, kong pơlê Dak Lak, pơreăng COVID-19 a Dak Lak pơtối xông tâ tú ó ƀă rơpâu ngế tro tâ/môi hâi. A mâu hngêi trung, mơhé tơdroăng ai mâu ngế tro tâ pơreăng hiăng tơdroăng ki hbrâ hdrối laga kơxô̆ F0 thăm tâk hên hiăng tơdjâk kâm troh hiâm mơno dêi thái cô, hok tro, nôu pâ.

Rế hbrâ mơdât pơreăng COVID-19, rế hnê hriâm châ tơƀrê, rế tơniăn hiâm mơno ăm hok tro, nôu pâ, thái cô cho pơkâ xiâm má môi dêi mâu hngêi trung nôkố.

A Sa Ly tơplôu ƀă tơbleăng