Kăn pơkuâ Đảng, Tơnêi têa hiăng tơkŭm po mâu tơdroăng mơdĭng tơbâ ki kân krip má môi, hdró tơdroăng ton nah dêi tơnêi têa: Sap ing môi tơnêi têa phong kiến tro kong têa ê xua kong têa ê pơkuâ, tung hlá Đảng Kŏng san Việt Nam, tâi tâng hdroâng mơngế hiăng xông, rôih hnâp tơdroăng pơkuâ dêi khu xâ, mơjiâng tơnêi têa Việt Nam tơniăn krê, tơnêi têa dêi kuăn pơlê, xua kuăn pơlê ƀă dêi kuăn pơlê.

Rơtế ƀă leh tơbâ cho mâu rôh ăm lêng prôk pơtăng a troăng ƀă tơdroăng ki veăng ai mâ dêi vâ chê 16 rơpâu ngế kăn ƀô̆, mố đô̆i, kŏng an rơtế teăng mâ mâu kuăn pơlê, mâu hdroâng kuăn ngo ƀă hên ki ê.

Tung đô̆i rơxế kơnŏng lêng prôk pơtăng ai tŭm mâu khu lêng tuk, lêng hbo plêng, lêng pĕng kơnŏng, rơxế kom ƀa, rơxế thap yap ƀă hên mâu rơxế xúa ki ê hía. Lêng mố đô̆i 4 kong têa Rusi, Sinuâ, Lếo, Kul xuân châ pơtroh veăng prôk pơtăng.

Leh tơbâ, prôk pơtăng kố cho vâ tối rơdêi tíu ối, troăng ngăn kân, kơnía dêi tơdroăng ton nah kân dêi kăch măng Khế Tơheăm ƀă tơdroăng ai mâ dêi tơnêi têa Việt Nam Dân chủ kŏng hòa, nôkố cho tơnêi têa Kŏng hòa xah hô̆i chuh nghiah Việt Nam.

Ing mê ‘mâi mơnhông tơbêng tơdroăng loi dêi tâi tâng Đảng, tâi tâng kuăn pơlê tung hnoăng cheăng pơkuâ dêi Đảng Kŏng san Việt Nam; loi tung troăng ngăn dêi Đảng drêng mơ’no mâu pơkâ hvêa prôk vâ ăm tơnêi têa mot tung chal nếo./.