Hdrối mê, pôa Y Diêm Hlong (kot mâ hơnăm 1980, ối a ƀuôn Knac, cheăm Dak Liêng) hlo môi to mơnhó hyông mot tung kơpong kơnâng hngêi tơná. Kơnó kố cho túa kuăn kiâ ki chiâng xêh kơnía git kal châ rak vế, pôa Y Diêm hiăng djâ kuăn kiâ kố troh a Kŏng an vâ pơcháu nâp. Kuăn mơnhó Java hngăm dâng 2,2 kg, ivá tơniăn lĕm. Kŏng an cheăm Dak Liêng hiăng tơrŭm ƀă Khu rak ngăn pơlái kuăn kiâ kong kơpong Lăk, Vi ƀan hnê ngăn cheăm ƀă Tíu Păn tơmeăm kơpong Lăk chêh mơ-éa tơdah xo, chêh pro klêi mơ-éa vâ tơkŭm djâ mơnhó kố vêh kơ’nêi tung kong tiô pơkâ.

Tơdroăng ki mơhnŏng pơcháu xêh kuăn kiâ kong mơhno hiâm mơno ‘nâi rak vế mâu sinh hok dêi kuăn pơlê rế hía rế châ mơdêk.