Khu tơdroăng má môi ối tung kơvâ hnê hriâm ƀă hnê mơjiâng ƀă mâu tơdroăng xiâm tơkŭm a tơdroăng nôkố ƀă troăng mơnhông mơdêk, mơdêk ki dâi lĕm hnê hriâm đăi hok ƀă pơkâ hnê mơjiâng mơngế pêi cheăng ki rơkê, tơxâng pơkâ mơnhông cheăng kâ – rêh ối pơlê pơla; Tơdroăng pêi pro pơkâ dêi luât ‘na hnê tơ’nôm, hriâm tơ’nôm. Rơtế ƀă mê cho tơdroăng tơniăn tơdroăng hnê hriâm tơniăn, tơtro, lĕm; hbrâ mơdât pâm xiê̆n tung hngêi trung; tơniăn kruá lĕm kế kâ tung hngêi trung hriâm. Khu tơdroăng má péa ‘na kơvâ liăn ngân, mê cho troăng pêi ‘na liăn ngân ăm mơnhông cheăng kâ – rêh ối pơlê pơla, tơniăn pơkâ tơtêk.

Pakĭng mê cho troăng mơdêk châ tơƀrê tơdroăng pêi cheăng dêi khu tê mơdró tơnêi têa; troăng pêi tŏng gum, mơdêk mơnhông cheăng kâ krê; troăng pêi mơdêk mơhnhôk kơxô̆ liăn mơ’no cheăng tơdrêng kong têa ê FDI; Troăng pêi, troăng hơlâ mơdêk, mơhnhôk mơ’no liăn cheăng, mơjiâng mâu kơpong kơmăi kơmok, kơpong cheăng kâ.