Roh lăm pôu pêi cheăng tung tơdroăng trâm mâ tơno ‘na ngê̆ thuât ‘’Rơkong rơhdruê nhŏng o Việt Nam – Sinuâ’’. Pôa Ngô Minh Hiển tối rơdêi: Rơ’jíu Việt Nam đi đo nhuô̆m tơrŭm cheăng ƀă Sinuâ, mơhno ing hên tơdroăng tơpui mơ’no tung rơ’jíu – um tơvi kum kuăn pơlê péa tơnêi têa hlê plĕng hên tâ ‘na tơrŭm cheăng. Ki rơhêng vâ tối, tơdroăng trâm mâ tơno hâi lơ 18/7 vâ koh phiu ro 75 hơnăm mơjiâng tơrŭm cheăng tơpui kâ Việt Nam – Sinuâ ƀă ‘’Hơnăm trâm mâ tơno rơkê lĕm 2025’’.

Pôa Hoàng Trí Hằng – Phŏ Kăn xiâm Kơ koan xiâm Rơ’jíu Um tơvi Quảng Tây mơnhên: Rơ’jíu Việt Nam cho khu tơrŭm ki kal ƀă hên tơrŭm châ tơƀrê tung pơla kố nah. Tơdroăng trâm mâ tơno roh kố châ tơƀrê, pơtối troh lâp lu tơdroăng tơrŭm péa tơnêi têa.